Дзеля прыпынку ў Гродне не высеклі дрэвы, а перасадзілі

На вуліцы Кабяка з’явіцца новы прыпынак грамадскага транспарту. Каб захаваць дрэвы, якія раслі на яе месцы, «Зелянбуд» перасадзіў чатыры буйнамеры на суседні ўчастак. За працу ўзяўся адзіны ў краіне амерыканец падобнага прызначэння «Біг Джон». У «Зелянбудзе» запэўніваюць: зіма не падстава адкладаць перасадку насаджэнняў і азеляненне горада, паведамляе “Гродна Плюс”.

– Яшчэ каля 700 або больш дрэў у снежні месяцы плануецца перасадзіць. Гэта мікрараён Альшанка – больш за 100 дрэваў на пешаходнай зоне, мікрараён Дзевятоўка, вуліца Малышчынская – там таксама будуць высаджаныя буйнамерныя дрэвы. Менавіта буйнамерныя, – кажа Аляксандр Русак, галоўны інжынер прадпрыемства «Гродназелянбуд».

Дарослыя дрэвы прывязуць з гадавальнікаў «Зелянбуда», у якім на дадзены момант знаходзіцца каля 2700 клёнаў, ліп, верб, туй, кустоў і іншых зялёных насаджэнняў. У 2019 годзе планам зацверджана пасадка больш за 3000 дрэў на цэнтральных гарадскіх вуліцах, магістральнай кальцавой дарозе, а таксама ў мікрараёнах Вішнявец і Альшанка.

comments powered by HyperComments

Раім пачытаць

Каментары

Spelling error report

The following text will be sent to our editors: