У аўторак 27 лістапада «Нёман» на сваім лёдзе абыграў сталічнае «Юнацтва» і парадаваў гродзенскіх заўзятараў доўгачаканай і упэўненай перамогай над прынцыповым супернікам.
У «Нёмана» дублем адзначыўся Антон Грышанаў, таксама шайбу на свой рахунак запісаў Арцём Ляўша.
«Нёман»: «Юнацтва» — 3: 0
галы:
24:28 1: 0 — Ляўша (Кіслы, Рэмезаў)
52:36 2: 0 — Грышанаў (Елісеенка, Кіслы, — бол.)
56:48 3: 0 — Грышанаў (Рэмезаў, Ляўша, — бол.)
Сяргей Пушкоў пасля матчу адзначыў, што яго камандзе атрымалася ўзяць рэванш за паразу ў Мінску.
«Можна застацца задаволеным такім матчам, бо ў нас была задача ўзяць рэванш за тую паразу, якая была ў Менску. Застаўся задаволены тым, як хлопцы гулялі. Добрая была гульня. У першым перыядзе абедзве каманды добра і шмат атакавалі, было шмат кідкоў па варотах. У другім перыядзе «Юнацтва» выглядала больш упэўнена — нам давялося шмат абараняцца, але мы нядрэнна сёння згулялі ў абароне. І, вядома, рэалізавалі ту большасць, якая ў нас сёння была. Як кажуць, забілі, значыць выйгралі. «Юнацтва» сёння прайграла … "
Турнірная табліца выглядае наступным чынам:
Свой наступны матч «Нёман» правядзе таксама ў Гродне і будзе прымаць 29 лістапада «Шахцёр»
