Спадчына

Будаўніку, які знайшоў скарб у цэнтры Гродна, выплацяць узнагароджанне да канца лістапада

Скарб, які знайшлі на вуліцы 2-й Працоўнай, яшчэ ў ліпені прызналі гісторыка-культурнай каштоўнасцю. Праўда, узнагароджання будаўнік, які перадаў дзяржаве знаходку, так і не атрымаў. У аблвыканкаме распавялі Hrodna.life, што пытанне з выплатай плануюць вырашыць да канца лістапада.

Скарб знайшоў 14 красавіка 2018 года ў старым будынку на 2-й Працоўнай падчас разборкі даху будаўнік Уладзімір Страковіч. Пад бэлькай у маленькай каробачцы ад тытуню ён выявіў каля 30 залатых манет 18−19 стагоддзяў, звыш 10 розных каштоўных упрыгожванняў - пярсцёнкі і ланцужкі, а таксама каронкі.

Знаходку забралі ў Гродзенскі гісторыка-археалагічны музей. Там яе ацанілі і прызналі гісторыка-культурнай каштоўнасцю. Знаходку ацанілі амаль у 19,5 тысяч долараў. Па законе ўласніку будынка, дзе была знойдзена знаходка, і таму, хто знайшоў скарб, належыць 50 адсоткаў ад яго кошту.

Пасля надання знаходцы статусу будаўніку і ўладальніку будынка паабяцалі выплаціць узнагароджанне. Як распавяла галоўны спецыяліст галоўнага ўпраўлення ідэалагічнай работы, культуры і па справах моладзі Гродзенскага аблвыканкама Аксана Коханава, да канца лістапада 2018 года гэта пытанне павінна вырашыцца.

«Рашэнне падрыхтавана і згодна з названымі ў заканадаўстве тэрмінамі ўзнагароджанне будзе выплачана. Зараз збіраюцца ўсе дакументы. Да канца лістапада ўсё павінна быць выплачана», — адзначыла Аксана Коханава.

Будаўнік Уладзімір Страковіч, які знайшоў скарб і перадаў яго дзяржаве. На што патраціць сваю частку ўзнагароджання, ён яшчэ не прыдумаў.
Плануецца, што будаўніку і ўласніку будынка агулам выплатять каля 9700 долараў. Але не выключана, што гэтая сума будзе падзеленая не на дваіх, а на чацвярых, бо на момант знаходкі будынак рэканструявалі падрадныя арганізацыі.

Да нядаўняга часу гэты скарб, як і іншыя, знойдзеныя ў Гродне і вобласці за апошнія некалькі дзясяткаў гадоў, можна было ўбачыць на выставе ў Новым замку.

Пра скарб з вуліцы 2-й Працоўнай на выставе ў Новым замку распавядае гісторык Андрэй Вашкевіч
Папярэдні досыць буйны скарб знайшлі ў Гродне ў 2016 годзе. Тады будаўнікам, што яго выявілі, прыйшлося чакаць больш за год, каб яго прызналі каштоўным і выплацілі ўзнагароджанне. Як на Антонава, так і на 2-й Працоўнай, знаходкі маюць габрэйскі след, яны былі схаваныя на тэрыторыі двух гета падчас Другой сусветнай вайны.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025