Вынік ёсць, а спонсараў яшчэ няма: каманда «ВелаГродна» падвяла вынікі гоначнага сезону

Сустрэча з аматарскай велакамандой прайшла ва Упраўленні спорту і турызму Гродзенскага аблвыканкама 25 кастрычніка. Там лепшых спартсменаў-аматараў сезону ўзнагародзілі каштоўнымі прызамі. Таксама на сустрэчы падвялі вынікі года і агучылі планы на будучыню.

Каманда «ВелаГродна» існуе ўжо 10 гадоў. У гэтым годзе ўпершыню гродзенцы здолелі заняць прызавое месца ў сезоне – на польскіх спаборніцтвах «Maratony Kresowe» ў дысцыпліне паўмарафон. Арганізаванай камандай яны ўдзельнічалі другі раз. Для «ВелаГродна» польскія спаборніцтвы зручныя тым, што праходзяць у краіне-суседцы, а вядомы гродзенскі веламарафон «Суседзi» уваходзіць у адзін з этапаў.

Чытайце яшчэ:  “Выйграў наймацнейшы, а перамог – кожны, хто даехаў да канца”. Веламарафон “Суседзі” прайшоў пад Гродна восьмы раз

У 2017 годзе каманда «ВелаГродна» па выніках сезона заняла ў «Maratony Kresowe» 6-е агульнакаманднае месца з 61-й каманды. А ў гэтым годзе 3-е з 83-х. Акрамя гэтага ў гродзенцаў шмат асабістых дасягненняў.

Вынік ёсць, а спонсараў яшчэ няма: каманда «ВелаГродна» падвяла вынікі гоначнага сезону

З такім прагрэсам гродзенцам і да першага месца недалёка, але каб выйсці ў лідары спаборніцтваў патрэбна спонсарская дапамога. Пакуль жа веласіпедысты ўдзельнічаюць у спаборніцтвах за свой кошт і за сяброўскія складкі «ВелаГродна». На ўдзел у спаборніцтвах у спартсменаў-аматараў сыходзіць за сезон каля 500 долараў і гэта без уліку замены запчастак у ровары.

Чытайце яшчэ:  Не толькі інфраструктура. Пяць дасягненняў «ВелаГродна» за пяць гадоў

У гродзенскую каманду можна трапіць у любым узросце. Галоўнае – уступіць у аб’яднанне «ВелаГродна» і мець жаданне выступаць на спаборніцтвах і пры гэтым паказваць вынік.

Вынік ёсць, а спонсараў яшчэ няма: каманда «ВелаГродна» падвяла вынікі гоначнага сезону

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Раім пачытаць

Каментары

Spelling error report

The following text will be sent to our editors: