нерухомасць у Гродне

Першыя адбіткі гравюры Цюндта, адноўленай у праекце «Анёлы над горадам», ужо надрукаваны і чакаюць сваіх гаспадароў. Пра гэта паведаміў адзін з ініцыятараў праекта, гродзенскі гісторык Аляксандр Перагудаў. Ад 3 верасня гродзенскія фундатары вяртання анёлаў могуць атрымаць свае падарункі ў «Цудоўні».

«Работа над аднаўленнем усёй гравюры працягваецца. Мы падабралі адпаведную часу паперу і зрабілі серыю пробных адбіткаў-фрагментаў. А яшчэ мы адказалі для сябе на шэраг тэхнічных пытанняў. У прыватнасці, вырашылі паўтарыць прынцып двухэтапнага друкавання гравюры і тлумачальных тэкстаў у картушах асобна, а таксама правялі перамовы з паліграфістамі наконт выдання постара», — распавёў Аляксандр.

[irp posts="57 991″ name="Мінчукі і гродзенец адновяць гравюру 1568 года і падораць музею"]

Нагадаем, што ў планах праекта друк поўнафарматнай гравюры і каляровых постараў з яе. Адну з адноўленых копій арганізатары праекта плануюць падарыць гродзенскаму музею.

Анёлы вяртаюцца ў Гродна. Фундатары праекта з Гродна могуць атрымаць свае падарункі

Сёлета гравюры Адэльгаўзера-Цюндта «Сапраўднае апісанне горада Гродна ў Літве» спаўняецца 450 гадоў. Каб кожны гродзенец змог убачыць, як выглядаў горад у той час, студыя imago. by і Аляксандр Перагудаў вырашылі аднавіць гравюру. Грошы на праект сабралі цягам 13 дзён.

[irp posts="66 428″ name="Анёлы, якіх выбралі гродзенцы. Вызначыліся пераможцы конкурса сэлфі"]

Першых «анёлаў» у Гродне атрымалі пераможцы конкурса «Сэлфі з анёлам» яшчэ ўлетку. Зараз усе, хто падтрымаў праект, могуць атрымаць сваіх анёлаў.