Гродзенскія фудтракі аб’ядноўваюцца: на Таўлая зараз не толькі напоі, але і піца

З 21 жніўня гродзенскія фудтракі “Wake сup” і “PizzaTruck” запусцілі сумесны праект. Цяпер на тэрыторыі аўтамыйкі на Таўлая можна будзе набыць не толькі напоі, але і піцу.

«У нас няма такіх напояў, як у “wake сup”, а ў іх няма ежы. Вось мы і вырашылі аб’яднацца, – распавядае прадстаўнік “Піцатрака” Павел Максімчык. – Магчыма, да нашага праекту хто-небудзь яшчэ далучыцца з фудтракаў. Усе разам мы зможам зрабіць добры фудкорт для горада».

Гродзенскія фудтракі аб'ядноўваюцца: на Таўлая зараз не толькі напоі, але і піца

Прыкладам для Гродна можа паслужыць Мінск, дзе фудтракі ўжо даўно аб’ядналіся і стаяць у адным месцы.

«У сталіцы ёсць такое месца – «Песочница», дзе збіраюцца ўсе фудтракі. Там ёсць вялікі выбар напояў і рознага фастфуду. Мы таксама можам зрабіць падобнае ў Гродне, але пакуль вырашылі на тыдзень аб’яднаць толькі два фудтрака», – кажа прадстаўнік “Wake сup” Канстанцін Нікіцін.

На мыйцы «7 хвілін» на Таўлая хапае месца для двух фудтракаў, але калі ў будучыні захочуць далучыцца іншыя праекты, то прыйдзецца шукаць новае месца для ўсіх.

«Будзем тады шукаць новую пляцоўку. Горад толькі выйграе ад нашага аб’яднання. Сёння мабільныя кафэ – гэта новы моладзевы кірунак: смачна, танна і цікава», – дадаў Павел Максімчык.

Гродзенскія фудтракі аб'ядноўваюцца: на Таўлая зараз не толькі напоі, але і піца
На пляцоўцы на Таўлая фудтрак “Wake сup” працуе з 11:00 да 23:00, “Піцатрак” з 12:00 да 22:00. “Піцатрак” будзе знаходзіцца ў гэтым месцы ў рамках эксперыменту тыдзень.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары