Урачыстасці да 165-годдзя пажарнай службы праходзяць у Гродне 26 ліпеня. Святкаванне пачалося з самай раніцы на плошчы Леніна і ў парку Жылібера.
Усё пачалося ля помніка воінам і партызанам у парку Жылібера з урачыстага прыняцця прысягі новапрынятымі выратавальнікамі. Пасля гэтага па вуліцах горада прайшло святочнае шэсце парадных разлікаў пажарных, апранутых у форму розных часоў. Таксама па вуліцах Гродна прайшоў парад пажарнай аварыйна-выратавальнай тэхнікі, была прадстаўлена тэхніка ратавальнікаў розных гадоў.
На плошчы Леніна пачалася выстава тэхнікі і абсталявання МНС, таксама прайшлі паказальныя выступленні пажарных.
Святкаванні з нагоды Дня пажарнай службы пройдуць у цэнтры Гродна да 18.00.
25 ліпеня 1853 года Мінскае губернскае праўленне і Мінская гарадская Дума разгледзелі пытанне аб новай пажарнай частцы ў Мінску і зацвердзілі каштарыс расходаў на яе склад. Гэта падзея стала кропкай летазлічэння пажарнай службы Беларусі.
Указам Прэзідыума Вярхоўнага Савета ад 18 мая 1994 года прынятае рашэнне аб усталяванні 25 ліпеня штогадовага свята — Дня пажарнай службы.
Бізнэсоўца Станіслава Буйніцкага абвінавачваюць ва ўхіленні ад выплаты падаткаў у значнай суме. ТАА "Форт", у…
Працягваецца рэканструкцыя падвеснага моста ў Мастах. На апорах ужо нацягнутыя ліны агульнай масай 40 тон…
У вёсцы Навасёлкі прадаюць дом проста на беразе Гродзенскага вадасховішча, з відам на Нёман. Ён…
Першая вядомая назва нашага горада - "Городенъ". Менавіта так яго называлі яшчэ ў XII стагоддзі,…
Буйны агрэгатар перавозчыкаў "Атлас" абвясціў пра зніжэнне коштаў на квіткі: да канца лютага можна дабрацца…
Літоўскія памежнікі выявілі падземны ход даўжынёй 25 метраў у раёне вёскі Пашальчай, каля мяжы з…