Драўляны ровар другі раз выйшаў на старт веламарафона “Суседзі”

Летась  Андрэй Габінскі ўпершыню выехаў на трасу гродзенскага  веламарафона  на драўляным ровары. Сёлета ясеневы ровар паўтарыў 7-кіламетровы заезд і прыйшоў далёка не апошнім. За мінулы год ровар не раз станавіўся цікавосткай гарадскіх імпрэзаў, ад Фестываля нацыянальных культур да Дня перамогі.

 Пакуль у Гродне адзіны

Па словах Андрэя Габінскага, такога ровара ў Гродне і вобласці больш няма. Таму на святочных мерапрыемствах у горадзе ён нязменна  выклікае ажыятаж. “Дзеці ім цікавяцца больш, чым баявой тэхнікай,” – сцвярджае Андрэй.

[irp posts=”28070″ name=”Драўляны ровар скарыў міні-марафон і сэрцы гледачоў на “Суседзях-2017””]

Прыгоды на мяжы

З прыгодаў драўлянага ровара за мінулы год ён узгадаў, як ездзіў на ім ў Друскені і  перасякаў мяжу.

Драўляны ровар другі раз выйшаў на старт веламарафона “Суседзі”

“Бачылі на мяжы і Бэнтлі, і Ферары, але такога цуда  яшчэ не было. Не прапусцім, пакуль не дасце разок пракаціцца”,  –  так, па словах Андрэя, жартавалі памежнікі і мытнікі, пабачыўшы  незвычайны транспартны сродак.

Пракаціцца можа кожны

Убачыць ровар з масіва ясеня можна не толькі падчас святаў. Увесь час ён знаходзіцца ў “Студыі дзвярэй”, дзе  Андрэй Габінскі гандлюе дзвярамі з масіва. “Кожны наведвальнік крамы можа пракаціцца на ім па вуліцы”, – кажа Андрэй. Што да штодзеннага ўжывання ровара, то ўся яго сям’я карыстаецца двухколавым транспартам пастаянна. Праўда, гэта звычайныя сталёвыя ровары.

Драўляны ровар другі раз выйшаў на старт веламарафона “Суседзі”

Каментары

Spelling error report

The following text will be sent to our editors: