Фотафакт: Як на Савецкай Леніна змяніў Касцюшка

Яшчэ зімой на вуліцы Савецкай у Гродне можна было ўбачыць як адзін з мастакоў прадае партрэт правадыра сусветнага пралетарыяту Уладзіміра Леніна. Сёння ж асартымент у майстроў змяняецца ў іншы бок і перавага аддаецца нацыянальным героям, такім як Тадэвуш Касцюшка.

Адзінага Леніна, які ацэньваўся ў 80 рублёў, мастачка Ірына за некалькі месяцаў так і не прадала, і гэта нягледзячы на ​​цікавасць з боку турыстаў. Зараз партрэт правадыра пыліцца на паліцах.

Фотафакт: Як на Савецкай Леніна змяніў Касцюшка
«Леніна прадаю за 80 рублёў, гэта рэшткі са старой калекцыі маёй знаёмай. Такiя вялікія партрэты маляваў яе муж, які памёр. Раней Ленiна вешалі ў офісы начальнікаў, — распавядала Ірына. — Турысты цікавяцца партрэтам, нават падыходзяць і фатаграфуюцца. Але вось купляць пакуль ніхто не спяшаецца. Вядома, ёсць абураныя людзі, але мы павінны разумець, што ён — гэта наша гісторыя, якая была».

У сярэдзіне мая ўжо іншы мастак Іван Грушэўскі вырашыў памяняць атмасферу на пешаходнай вуліцы ў цэнтры Гродна і выставіў на продаж партрэт нацыянальнага героя Беларусі, Польшчы і ЗША – Тадэвуша Касцюшкі. І паставіў яго прадаваць у тым жа месцы, дзе і быў Ленін. Але і Касцюшка пакуль ніхто не спяшаецца купляць. Праўда і кошт на партрэт сына Беларусі вышэй, чым Леніна.

 

Фотафакт: Як на Савецкай Леніна змяніў Касцюшка
Партрэт Тадэвуша Касцюшкі ў рамцы – кошт дамоўны.

“Мне ўжо амаль 80 гадоў і сюды ў выходныя я прыязджаю са Свіслацкага раёна. Ніхто ў мяне нічога не купляе. Але і за бясцэнак Касцюшку прадаваць не збіраюся. Кожнаму чалавеку будзе  свая цана, – адзначыў майстар.

 

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: