«Гродзенскі шклозавод» набыў на таргах маёмасць беларуска-аўстрыйскага СЗАТ «Ялізава» (Асіповіцкі раён, Магілёўская вобласць). Сума ўгоды склала BYN 36,15 млн. 10 мая павінны быць падпісаны дакументы. Работнікі ж прадпрыемства супраць і гатовыя на звальненне ці нават на змену месца жыхарства.
Паколькі шклозавод «Ялізава» як юрыдычная асоба спыняе сваё існаванне, то антыкрызісны кіраўнік хацеў звольніць усіх работнікаў з выплатай выхадной дапамогі - гэта тры сярэднемесячныя заробкі. Хто б захацеў, потым уладкаваўся бы ў філіял «Ялізава» ААТ «Гродзенскі шклозавод». Аднак новы ўласнік вырашыў узяць усіх работнікаў «Ялізава» да сябе ў штат пераводам. Таму аб выплаце выхадной дапамогі гаворкі ісці ўжо не можа. Звальненне работнікі бачаць, як адзіны выхад у дадзенай сітуацыі.
«Ім абяцалі трохмесячны заробак, але яго абяцалі не мы. Гэта ў кампетэнцыі антыкрызіснага кіраўніка. Мы, як новы ўласнік, да гэтага абяцання не маем ніякіх адносін. На тое, што работнікі „Ялізава“ не страцяць працоўныя месцы, мы звярталі ўвагу ўжо даўно», — расказала Hrodna.life Анастасія Антановіч, менеджар па камунікацыях Гродзенскага шклозавода.
Яна патлумачыла, што гродзенскае прадпрыемства зацікаўлена, каб усе ў «Ялізава» захавалі свае працоўныя месцы. А таксама дадала, што калі выплаты, якія хочуць атрымаць работнікі, прадугледжаны заканадаўствам, то іх безумоўна выканае ўпраўляючы па банкруцтве.
Шклозавод «Ялізава», які быў калісьці ва ўласнасці вядомага бізнесоўца Аляксандра Мураўёва, трапіў пад працэдуру банкруцтва ў студзені 2016 гады з абавязкамі ў 598 рублёў (59,8 мільёнаў рублёў пасля дэнамінацыі), піша «Ежедневник».
Пікантнасць сітуацыі ў тым, што гродзенскі завод сам многія гады знаходзіцца ў даўгах, з якіх, па самых аптымістычных прагнозах, зможа выбрацца не раней за 2024 год. Пры гэтым для куплі шклозавода «Ялізава» гродзенскае прадпрыемства бярэ яшчэ адзін крэдыт у Беларусбанку.
«Факт выдачы Беларусбанкам велізарнага крэдыту Гродзенскаму шклозаводу для пакупкі нашага прадпрыемства насцярожвае абсалютна ўсіх. Хто мае такія сувязі і хто зацікаўлены ў краху Ялізава?» — задаюцца пытаннем работнікі шклозавода «Ялізава». Яны ўпэўненыя, што здзелка прывядзе да ліквідацыі вытворчасці.
Як адзначыла Міністэрства архітэктуры і будаўніцтва ў адказ на ліст работнікаў прадпрыемства, «Ялізава» куплялася не проста так. Усё пралічана і ўхвалена. ААТ «НДІ Будэканоміка» распрацавала бізнэс-план адпаведнага інвестыцыйнага праекта, які падтрымалі Беларусбанк і Міністэрства эканомікі. Маўляў, набыццё завода дазволіць захаваць вытворчасць і занятасць у пасёлку, а таксама забяспечыць развіццё імпартазамяшчальнай і арыентаванай на экспарт шкляной вытворчасці.
[irp posts="48 834″ name="Гродзенскі шклозавод атрымаў званне Брэнд года-2017″: разбіраемся, за што"]
Але гэтым словам работнікі шклозавода «Ялізава» не вераць. Многія хочуць звальняцца і мяняць працу, а магчыма і месца жыхарства, бо ў пасёлку іншай такой працы не знайсці.
Мы живем в бешенном ритме жизни. Часто приходится перемещаться из одного конца города в другой. Если вам необходимо оперативно добраться из одной точки в другую, к вашим услугам киев такси. Быстро и недорого доставим вас в целостности и сохранности.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…