Дадаць навіну
Аўторак, 24 красавіка 2018, 12:20

Мастакі пачалі аднаўляць 40-метровую панараму Гродна ля падножжа Новага замка

Гродзенскія вулічныя мастакі ўжо другі дзень працуюць на падпорнай сцяне пад Новым замкам. Пры добрым надвор'і там да канца красавіка зноў з’явіцца панарама Гродна.

У 2015 годзе ля падножжа Новага замка з’явілася вялікая выява старога горада. Але з часам малюнак пачаў трэскацца, цэлыя кавалкі пачалі адвальвацца.

У 2017 годзе выяву прыбралі. Рабочыя залаталі шчыліны і зрабілі ліўнёўку, каб вада не злівалася ў будучыні на новы малюнак. Усю сцяну зацягнулі будаўнічай сеткай і нанова замазалі. 14 красавіка 2018 года мастакі пачалі аднаўляць малюнак на чыстай сцяне.

Так выглядала сцяна з выявай да рамонту
Уласна змест малюнка гарадскія ўлады вырашылі не змяняць. Эскіз яшчэ ў 2015 годзе быў узгоднены з Гродзенскім абласным мастацка-экспертным саветам па манументальным і манументальна-дэкаратыўным мастацтве

«Мы крыху зменім колер, зробім выгляд пад даўніну, — распавядае мастак Аляксандр. — Сцяну быццам бы падрыхтавалі, але ўсё роўна ёсць невялікія праблемы, паглядзім колькі пратрымаецца новы малюнак. Пры добрым надвор'і мы можам узнавіць гравюру ўсяго за тыдзень».

Фарбу і лесвіцы для мастакоў забяспечылі гарадскія службы.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: