Дадаць навіну
Серада, 18 ліпеня 2018, 22:25

Выяву старога горада ля падножжа Новага замка цалкам абновяць

Пачалася падрыхтоўка да абнаўлення малюнка на падпорнай сцяне пад Новым замкам. Плануецца, што да канца чэрвеня група мастакоў на чыстым і добра падрыхтаваным месцы ўзновіць малюнак з відам старога Гродна.

У 2015 годзе ля падножжа Новага замка з’явілася вялікая выява старога горада, якая за два гады стала дастаткова вядомай. Але з часам гравюра стала трэскацца, цэлыя кавалкі пачалі адвальвацца. Прычыны ў якасці аддзелачных работ на сцяне.

Праз два гады рабочая брыгада ля падпорнай сцяны выконвае працу больш сур’ёзна. Зараз рабочыя латаюць шчыліны і робяць ліўнёўку, каб вада не злівалася на малюнак. Усю сцяну павінны зацягнуць будаўнічай сеткай і нанова замазаць. Пасля гэтага мастакі прыступяць да працы.

Абнаўляць выяву будуць тыя ж хлопцы, якія ў 2015 годзе яе стваралі. Малюнак не зменіцца. З фарбай дапамогуць гарадскія службы.

Варта адзначыць, што падпорную сцяну ўзвялі ля падножжа Новага замка ў 1931 годзе.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: