У чацвёртым матчы паўфінальнай серыі плэй-оф Кубка прэзідэнта паміж «Нёманам» і «Дынама-Маладзечна» перамога засталася за гродзенскай камандай. Зараз дружыну Сяргея Пушкова ад выхаду ў фінал аддзяляе ўсяго адна перамога.
Чарговы матч супернікаў, які праходзіў у Маладзечне 18 сакавіка, зноў прайшоў у сур’ёзнай барацьбе. Са стартавых хвілін каманды пачалі актыўна, праўда вызначыцца ў першым перыядзе ніхто так і не змог.
Толькі ў другім перыядзе гродзенцы змаглі адкрыць лік у матчы. Зрабіў гэта Сцяпанаў на 25-й хвіліне.
Усе астатнія шайбы каманды закінулі ў другой палове трэцяй дваццаціхвілінкі. Дзякуючы лікавай перавазе на 50-й хвіліне Сяргей Маляўка падвойвае перавагу «Нёмана». На 54-й хвіліне пасля выхаду шостага гульца гаспадары скарачаюць адставанне. Дакладным кідком адзначыўся Бялевіч.
Але не доўга радаваліся заўзятары «Дынама», праз некалькі хвілін хакеісты «Нёмана» адпраўляюць чарговую шайбу ў вароты гаспадароў і робяць лiк 3:1 на сваю карысць. А практычна за хвіліну да сірэны Аляксандр Маляўка забівае ў пустыя вароты шайбу і ставіць кропку ў матчы.
галы:
25.06 0:1 — Сцяпанаў (Лісічкін)
49.22 0:2 — С.Маляўка (Кіслы, Багданоўскі, — бол.)
53.55 1:2 — Бялевіч (Яроха, Ліннік)
57.10 1:3 — Сцяпанаў (Жыдкіх)
58.52 1:4 — А.Маляўка (С.Маляўка, Сцяпанаў, — П.В.)
Лік у серыі (да 4-х перамог): «Нёман» — «Дынама-Маладзечна» 3:1
Сяргей Пушкоў пасля матчу:
— Вельмі цікавы атрымаўся матч з першай і да апошняй хвіліны. Каманды паказалі вельмі добры і хуткасны хакей. За гэта і любяць гэты від спорту. Падтрымка трыбун, як гаспадароў, так і нас, проста малайцы. Дзякуй вялікі нашым заўзятарам за падтрымку! Мы яе адчуваем. З першай хвіліны каманда паказала добрую актыўную гульню. Парадавала сёння тое, што не атрымлівалася ўчора, дало вынік.
Наступны паядынак паміж камандамі пройдзе ў Гродне 21 сакавіка. З 18 сакавіка пачалося браніраванне квіткоў на 5-ы матч паўфінальнай серыі.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…