“Нёман” у чарговы раз абыграў «Дынама» і знаходзіцца ў кроку ад фінала

У чацвёртым матчы паўфінальнай серыі плэй-оф Кубка прэзідэнта паміж “Нёманам” і “Дынама-Маладзечна” перамога засталася за гродзенскай камандай. Зараз дружыну Сяргея Пушкова ад выхаду ў фінал аддзяляе ўсяго адна перамога.

Чарговы матч супернікаў, які праходзіў у Маладзечне 18 сакавіка, зноў прайшоў у сур’ёзнай барацьбе. Са стартавых хвілін каманды пачалі актыўна, праўда вызначыцца ў першым перыядзе ніхто так і не змог.

Толькі ў другім перыядзе гродзенцы змаглі адкрыць лік у матчы. Зрабіў гэта Сцяпанаў на 25-й хвіліне.

Усе астатнія шайбы каманды закінулі ў другой палове трэцяй дваццаціхвілінкі. Дзякуючы лікавай перавазе на 50-й хвіліне Сяргей Маляўка падвойвае перавагу “Нёмана”. На 54-й хвіліне пасля выхаду шостага гульца гаспадары скарачаюць адставанне. Дакладным кідком адзначыўся Бялевіч.

Але не доўга радаваліся заўзятары “Дынама”, праз некалькі хвілін хакеісты “Нёмана” адпраўляюць чарговую шайбу ў вароты гаспадароў і робяць лiк 3:1 на сваю карысць. А практычна за хвіліну да сірэны Аляксандр Маляўка забівае ў пустыя вароты шайбу і ставіць кропку ў матчы.

“Дынама-Маладзечна” – “Нёман” 1:4 (0:0, 0:1, 1:3)

галы:
25.06 0:1 – Сцяпанаў (Лісічкін)
49.22 0:2 – С.Маляўка (Кіслы, Багданоўскі, – бол.)
53.55 1:2 – Бялевіч (Яроха, Ліннік)
57.10 1:3 – Сцяпанаў (Жыдкіх)
58.52 1:4 – А.Маляўка (С.Маляўка, Сцяпанаў, – П.В.)

Лік у серыі (да 4-х перамог): “Нёман” – “Дынама-Маладзечна” 3:1

Сяргей Пушкоў пасля матчу:

– Вельмі цікавы атрымаўся матч з першай і да апошняй хвіліны. Каманды паказалі вельмі добры і хуткасны хакей. За гэта і любяць гэты від спорту. Падтрымка трыбун, як гаспадароў, так і нас, проста малайцы. Дзякуй вялікі нашым заўзятарам за падтрымку! Мы яе адчуваем. З першай хвіліны каманда паказала добрую актыўную гульню. Парадавала сёння тое, што не атрымлівалася ўчора, дало вынік.

Наступны паядынак паміж камандамі пройдзе ў Гродне 21 сакавіка. З 18 сакавіка пачалося браніраванне квіткоў на 5-ы матч паўфінальнай серыі.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: