Дадаць навіну
Панядзелак, 24 верасня 2018, 01:00

У Гродне з размахам адзначаюць 100-годдзе Узброеных сіл

Урачыстыя мерапрыемствы, прымеркаваныя да Дня Абаронцаў Айчыны і 100-годдзя Узброеных сіл Беларусі, пачаліся ў Гродне з шэсця войскаў мясцовага гарнізона, парада ваеннай тэхнікі і самалётаў.

У шэсці з плошчы Савецкай да плошчы Тызенгаўза прынялі ўдзел 14 каробак салдат: ваенныя, міліцыя, МНС і кадэты.

У парадзе ваеннай тэхнікі было задзейнічана 25 адзінак ваеннай колавай тэхнікі Гродзенскага гарнізона. Упершыню над горадам парадным строем праляцелі шэсць самалётаў.

Пасля ўрачыстай часткі на плошчы Тызенгаўза адкрылася выстава цяжкай ваеннай тэхнікі і узораў узбраення.

У парку Жылібера адкрылася культурна-спартыўнае свята «Час спорту і Перамог!», дзе кожны можа прыняць удзел у спартыўных гульнях, а таксама пакаштаваць салдацкай кашы.

Гулянні ў цэнтры горада працягнуцца да самага вечара.


23 лютага ў Беларусі афіцыйна адзначаецца Дзень абаронцаў Айчыны і Узброеных Сіл Рэспублікі Беларусь. У Гродне гэтыя святы вырашылі адзначыць на дзень пазней. Вытокі свята — у савецкай гісторыі. Лічыцца, што 23 лютага 1918 года Чырвоная Армія атрымала свае першыя перамогі над кайзераўскай арміяй. Але на думку многіх беларускіх гісторыкаў для святкавання беларускай вайсковай славы ёсць лепшыя даты. А 23 лютага нават з пункту гледжання гісторыі СССР быў сумнеўным днём, каб адзначаць перамогі.


Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: