Па статыстыцы ў мінулым годзе практычна кожны другі наезд на пешахода быў здзейснены на пешаходных пераходах. Менавіта таму ў мэтах прафілактыкі такіх аварый Дзяржаўтаінспекцыя шукае новыя формы і метады працы.
У якасці эксперыменту на мінулым тыдні супрацоўнікі ДПС з выкарыстаннем сучасных тэхналогій на вуліцах Гродна ажыццяўлялі кантроль за тым, як кіроўцы саступаюць дарогу пешаходам.
У першым выпадку ў паветра быў узняты квадракоптар з усталяванай відэакамерай. Трансляваны малюнак з гэтай камеры ў рэжыме онлайн праглядаў супрацоўнік ДАІ, які па сродках радыёсувязі перадаваў інфармацыю аб парушальніку размешчанаму далей па ходзе руху службоваму нараду.
У размове з інспектарам парушальнікі сцвярджалі, што адлегласць да пешахода была значнай і нібыта парушэння не было. Аднак, пабачыўшы свой аўтамабіль на запісе, ад здзіўлення пераставалі даводзіць, што мелі рацыю.
У другім выпадку камера ўсталёўвалася паблізу пешаходнага пераходу і знаходзілася там у нерухомым стане, запісваючы ўсё, што адбываецца. Пасля таго, як фіксаваўся момант, калі не прапускалі пешахода, у працу ўступалі інспектары ДПС. Эфект нечаканасці ад убачанага запісу прысутнічаў у кожнага парушальніка.
Дадзены метад кантролю даказаў сваю эфектыўнасць, таму будзе выкарыстоўвацца і надалей. Рэйдавыя групы будуць размяшчацца каля самых аварыйна-небяспечных і ажыўленых пешаходных пераходаў.
Нагадаем, за «няпропуск пешахода» кіроўца падлягае адміністрацыйнай адказнасці ў выглядзе папярэджання або штрафу ў памеры ад 1 да 5 базавых велічынь. За паўторнае парушэнне на працягу года кіроўца атрымае штраф ад 2 да 8 базавых велічынь.
