У Гродне 23 снежня прайшоў чарговы матч чэмпіянату Беларусі па хакеі. Каманда Сяргея Пушкова прымала аднаго з лідараў першынства салігорскі «Шахцёр». На працягу двух перыядаў гродзенцы валодалі перавагай, але ў апошняй дваццаціхвілінцы збавілі абароты і прапусцілі 2 шайбы, што ў выніку абярнулася паразай ад салігорскай каманды з лікам 2:3.

Пасля прайгранага «Нёманам» у Гродне фіналу Кубка Салея, на матч з «Шахцёр» у рамках чэмпіянату прыйшло ў разы менш людзей, чым на апошнюю гульню. І гэта нягледзячы на ​​тое, што прыехаў адзін з лідараў чэмпіянату. Каб зноў вярнуць заўзятараў на трыбуны «Нёману» любой цаной трэба было перамагаць «Шахцёр».

У першым і другім перыядах у гродзенцаў ўсё ішло паводле плану і «Нёман» валодаў перавагай, больш біў і перад другім перапынкам вёў у лiку 2:1. Але ў трэцім перыядзе ў гаспадароў пачаліся праблемы, асабліва за 10 хвілін да канца асноўнага часу. Спачатку госці зраўнялі лiк, а пасля і выйшлі наперад. «Шахцёру» заставалася толькі ўтрымаць перавагу да фінальнага свістка.

«Нёман» — «Шахцёр» 2:3 (1:0, 1:1, 0:2)

Галы:
10.25 1:0 — Баярчук (Стэфановіч)
27.38 1:1 — Белухiн (Малюцін, А.Усенка)
34.04 2:1 — Сцяпанаў (Кліменка)
50.17 2:2 — Дадонаў (Карабанаў)
52.29 2:3 — Дзямкоў (Андрушчанка, Камбовіч, — бол.)

Такім чынам «Шахцёр» перапыніў 14-матчавую пераможную серыю «Нёмана» ў чэмпіянаце, якая доўжылася з 26 кастрычніка. Варта адзначыць, што ў гэтым сезоне каманда Сяргея Пушкова не абыгрывала салігарчан. Усе 3 матчы гродзенцы прайгралі.

Нягледзячы на паразу ў Гродне «Нёман» працягвае захоўваць за сабой трэці радок у турнiрнай табліцы і мае ў актыве 61 ачко.

Наступны матч гродзенская каманда правядзе 26 снежня ў Мінску, дзе памераецца сіламі з чарговым лідарам чэмпіянату «Юнацтвам».