Мінімальныя заробкі і перапрацоўкі: пракуратура расказала аб выніках праверкі ў аўтобусным парку

Пазапланавая праверка была арганізавана для вывучэння сітуацыі, якая ўзнікла ў калектыве прадпрыемства пасля таго, як адзін з кіроўцаў, выконваючы рэйс па горадзе, спыніў аўтобус і на вачах у пасажыраў скокнуў у Нёман з 30-метровага моста. Ад работнікаў аўтапарка сталі паступаць скаргі на няправільную арганізацыю працы на прадпрыемстве, нізкую заработную плату, парушэнні рэжыму працы і адпачынку.

— У ААТ «Аўтобусны парк г. Гродна» выконваецца мінімальны сацыяльны стандарт у галіне аплаты працы (16 работнікам робiцца даплата да ўзроўню мінімальнай заработнай платы). Заработная плата выплачваецца рэгулярна ва устаноўленыя калектыўным дагаворам тэрміны. Сярэднямесячная заработная плата аднаго работніка за студзень — кастрычнік склала 815,7 рублі, — адзначыла старшы памочнік пракурора Гродзенскай вобласці Таццяна Вербель, піша «Гродзенская праўда».

[irp posts="38 703″ name="У Гродне кіроўца спыніў аўтобус на мосце і скочыў у Нёман"]

У той жа час правяраючыя знайшлі пацверджанне фактаў парушэнняў заканадаўства.

— У прыватнасці, не выконваюцца патрабаванні арт. 112 Працоўнага кодэкса Рэспублікі Беларусь аб працягласці рабочага часу не больш за 40 гадзін у тыдзень, — распавяла Таццяна Вербель. — Кіроўцы гарадской калоны, да прыкладу, згодна з распрацаваным графікам, праводзяць на лініях больш за 47 гадзін у тыдзень. Прычым у гэту колькасць гадзін не ўключаецца час для правядзення падрыхтоўча-заключных работ перад выездам на лінію і пасля вяртання з лініі на прадпрыемства, а таксама час, неабходны для праходжання перадрэйсавага медыцынскага агляду.

Паміж зменамі вадзіцелі не заўсёды адпачываюць, як мае быць, працуюць звышурочна, а часам без аформленага загаду наймальніка. За 10 месяцаў бягучага года 384 кіроўцы гарадской і загараднай ліній звышурочна і ў выхадныя дні адпрацавалі 151 088,1 гадзіны, што склала ў сярэднім на аднаго кіроўцу 393,5 гадзіны ў год, пры норме не больш за 180 гадзін.

Некаторым работнікам аўтобуснага парка не даваліся дадатковыя адпачынкі за працу са шкоднымі ці небяспечнымі ўмовамі працы, многія не былі забяспечаны ў неабходным аб’ёме сродкамі індывідуальнай абароны. Выяўлены і іншыя парушэнні заканадаўства ў сферы працоўных і звязаных з ім адносін.

З пачатку года да часу праверкі з прадпрыемства звольніліся 40 кіроўцаў, цякучасць кадраў сярод кіроўцаў склала 20,2 працэнты.

— Праведзеная пракуратурай Гродна праверка стане для нас стымулам да дзеяння: яна дапамагла звярнуць увагу на недасканаласці ў арганізацыі працоўнага працэсу, усвядоміць свае памылкі і недапрацоўкі, — адзначыў першы намеснік дырэктара ААТ «Аўтобусны парк г. Гродна» Зміцер Буткевіч.

[irp posts="40 824″ name="Кіроўца, які скокнуў з моста, у рэанімацыі, у аўтапарку — праверкі. Што знайшлі?"]

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025