Па ініцыятыве ДАІ ў Гродне прыбралі нерэгуляваны пешаходны пераход на вуліцы Горкага. Калі для вадзіцеляў гэта стала вялікім плюсам, то для большасці мясцовых жыхароў навіна стала непрыемнай — зараз ім трэба пераадольваць пешшу больш адлегласці і спускацца ў падземны пераход.
Большасць жыхароў вуліцы на гэтым участку — пенсіянеры. Зараз, каб патрапіць у крамы і ў банк, ім трэба пераадолець дадаткова каля 200 метраў. Падземны пераход, кажуць людзі, не прыстасаваны для пенсіянераў і людзей з інваліднасцю: ён без парэнчаў пасярэдзіне і са слізкім пакрыццём.
— З аднаго боку правільна, што зачынілі: гэта небяспечны ўчастак дарогі і мяне самога тры гады таму ледзь не збілі. Што зробіш, цяпер будзем спускацца ў падземны пераход. Але з іншага боку, я пенсіянер і інвалід трэцяй групы, хацелася б, каб пераход прыстасавалі для такіх людзей: абавязкова накрылі адкрытую частку, бо дождж ці мароз робяць пераход слізкім. Няма парэнчаў і гэта таксама мінус.
— Гэта няправільна, што зараз мы павінны хадзіць у падземку. Я, напрыклад, з палачкай, для мяне на пераходзе заўсёды спыняліся кіроўцы і прапускалі. Зараз, каб патрапіць у краму ці ў банк, трэба дадаткова спускацца і падымацца. У пераходзе нават парэнчаў няма — іншы раз небяспечна спускацца.
— Мне было зручна пераходзіць па пешаходным пераходзе, але і цяпер не бачу праблем дадаткова прайсці ў падземны пераход. Можа пенсіянерам будзе складаней трохі, але калі так зрабілі, значыць так і павінна быць.
— Мне не падабаецца, што прыбралі пешаходны пераход. У нас раён пенсіянераў, цяпер трэба пераадольваць дадатковую адлегласць да новых пераходаў. Спусціцца і падняцца сталым людзям складана, ды і там яшчэ парэнчаў няма. Трэба вярнуць пераход. Яшчэ прапаную гарадскім уладам прыехаць і паглядзець, што адбываецца ў нас у двары.
— Пешаходны пераход вельмі небяспечны, у цёмны час там проста небяспечна пераходзіць, бо кiроўцы не заўсёды могуць убачыць пешахода. Правільна, што людзей адправілі на рэгуляваны пераход і падземку, усё для іх бяспекi.
— Напэўна, правільна, што зачынілі. Ведаю, што на пераходзе за апошні час было некалькі наездаў на пешаходаў. Калі трэба, то будзем спускацца ў падземны пераход.
— Я кіроўца. Магу сказаць, што раніцай ці вечарам пешаходаў на пераходзе было не відаць. І гэта правільна, што зачынілі пераход і адправілі людзей на рэгуляваны і ў падземку. Вядома, можна было б паставіць дадатковы светлафор, але што зрабілі - то зрабілі.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…