Відэаролік з Гродна трапіў у адну з самым папулярных у Рунэце перадач па аглядзе відэа «This is Хорошо». Так сотні тысяч карыстальнікаў Youtube ўбачылі тое, як дзяўчына з Гродна выкідае рэчы свайго хлопца з 14-га паверха. Нагадаем, інцыдэнт адбыўся 6 лістапада 2017 года на вуліцы Белыя росы.
Прапануем вам азнаёміцца з аглядам відэа ў выкананні вядучага «This is Хорошо» Стаса Давыдава. Глядзець з 12-й хвіліны.
Як паведамляе прэс-служба УУС, раніцай 6 лістапада дзяўчына пасварылася са сваім маладым чалавекам, і ён сышоў. Тады ў лютасьці 28-гадовая жыхарка Гродна стала выкідаць з акна кватэры на 14-м паверсе рэчы, бытавую тэхніку, вопратку. У выніку ўвесь двор новабудоўлі на вуліцы Белыя Росы быў закіданы рэчамі. Ніхто не пацярпеў.
