Дзяўчат з інваліднасцю не пусцілі на Grodno Fashion Show

Кіраўнік праекта Grodno Fashion Show адмовіўся дэманстраваць калекцыю для людзей з інваліднасцю. Стваральнікі адаптыўных нарадаў - валанцёры гродзенскага дзіцячага хоспіса, мясцовыя майстры і фабрыка «Сілуэт». «Дырэктар шоў даслаў нам адмову з фармулёўкай „па тэхнічных прычынах“. Але лічу, што незвычайныя мадэлі апынуліся нефарматам, і бачу ў гэтым дыскрымінацыю», — патлумачыла дырэктарка Гродзенскага дзіцячага хоспіса Вольга Вялічка. Модны паказ адбыўся ў Гродне 7 кастрычніка, піша «Перспектыва».

Незвычайныя целы

Гісторыя калекцыі адзення для незвычайных людзей пачалася каля паўгода таму. Тады ў грамадскую арганізацыю прыйшла валанцёрка — закройшчык-кравец Валянціна Апановіч.

— Знаходзілася ў дэкрэтным адпачынку, у вольны час хацела аказваць дапамогу людзям. Прапанавала пашыць дызайнерскую вопратку для дзяцей і іх мам, — расказала яна.

[irp posts="1150″ name=""Усе людзі - з асаблівасцямі ў развіцці". Дзеці з хоспіса і іх мамы прадэманстравалі калекцыю адзення «Святаяннік""]

На практыцы з лекаламі выйшла няпроста: будову цела ў падапечных хоспіса звычайнай не назавеш. А бацькі паскардзіліся, што пераапранаць дзяцей наогул цяжкая задача.

— Адаптыўнага адзення для людзей з інваліднасцю ў вольным продажы ў нас няма. У Еўропе такое выпускаюць як буйныя фабрыкі, так і дробныя пашывачныя цэхі, — распавяла Вольга Вялічка.

Валанцёры распрацавалі не толькі стыльную, але і функцыянальную вопратку:

— Дапусцiм, блузкі зашпільваюцца спераду, спадніцы шылі з запахам, замест гузікаў на абшэўцы прышывалі завязкі. У сукенкі ўшывалі гумкі, каб схаваць вялікія прарэзы для рук. Стваралі цёплыя накідкі, якія выглядалі як кардзіганы, — успамінае Валянціна.

Узрост мадэляў быў ад 4 да 28 гадоў. Іх дыягназы вар'іраваліся ад ДЦП да сіндрому Даўна. Трое падапечных былі прыкаваныя да інваліднага вазка.

Усяго для дзесяці сем’яў пашылі каля ста рэчаў, кожная дзяўчына і яе мама атрымалі па тры рэчы: блузку, спадніцу або штаны, а таксама паліто. На пашыў рэчы сыходзіла ад тыдня да двух месяцаў. Справа ў тым, што практычна з кожным прадметам гардэроба працавалі майстры аб’яднання «Гродзенскі каларыт»: вышывалі беларускі арнамент, прымацоўвалі кампазіцыі з бісеру і кветак.

— Усе матэрыялы натуральныя: ад баваўняных тканін да лямца, — тлумачыць дырэктарка дзіцячага хоспіса. — Гэта таксама дарагое задавальненне. Таму адрэзы куплялі неабыякавыя людзі, шмат матэрыялу падарыў «Гандлёвы дом „Нёман“. За сімвалічны аплату пашывам займалася фабрыка „Сілуэт“.

Show must go on?

Па задумцы, уся калекцыя павінна была сысці ў гардэробы сваіх гаспадынь у кастрычніку. Бо адзенне прадугледжана на восеньскае надвор’е.

— Падумалі, што паспяваем паўдзельнічаць у паказе Grodno Fashion Show. Прадпрыемствы маглі зацікавіцца выпускам адаптыўнага адзення, бо на рынку гэта вольная ніша. Пры гэтым эканамісты пралічылі, што падобны пашыў - справа выгадная.

[irp posts="36 511» name="На Grodno Fashion Show паказалі восеньскія і зімовыя калекцыі ад дызайнераў з трох краін"]

Grodno Fashion Show — камерцыйны праект. На подыуме збіраюцца як невядомыя амбіцыйныя дызайнеры, так і масцітыя майстры моды. Свае калекцыі паказваюць буйныя швейныя прадпрыемствы, якія часам прапануюць кантракты маладым аўтарам.

— На першую заяўку мы не атрымалі адказу, прачакаўшы паўмесяца. Калі нагадалі пра сябе ў другі раз, праз тыдзень прыйшла адмова з фармулёўкай «па тэхнічных прычынах», — распавядае Вольга. — Гэта нас засмуціла.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025