Пасля двух дзён пошукаў на вуліцы Валковіча спецыялісты з гісторыка-культурнага комплексу «Лінія Сталіна» пакінулі Гродна. З сабой яны забралі і часткі знойдзенай вайсковай тэхнікі - нямецкага цягача. У будучыні знаходкі выкарыстаюць для рэстаўрацыі якой-небудзь машыны часоў Другой сусветнай вайны.
За два дні пошукаў на Валковіча, дзе згодна з легендай быў закапаны нямецкі БТР, спецыялісты дакапаліся да глыбіні прыблізна двух метраў. Акрамя знойдзеных яшчэ на мінулым тыдні частак там жа быў знойдзены танкавы трос, некалькі тракаў ад гусеніц і іншыя невялікія часткі тэхнікі.
Па выніках сваёй экспедыцыі спецыялісты прыйшлі да высновы, што на Валковіча былі закапаны часткі нямецкага цягача. Такое меркаванне раней выказаў гродзенскі гісторык Дзмітрый Люцік.
