Дадаць навіну
Панядзелак, 25 чэрвеня 2018, 04:04

У Гродна прыехалі прадстаўнікі «Лініі Сталіна»: спадзяюцца на новыя знаходкі

Пошукавы атрад гісторыка-культурнага комплексу «Лінія Сталіна» прыбыў у Гродна ў панядзелак 11 верасня. На працягу двух дзён спецыялісты будуц працаваць на вуліцы Валковіча, дзе на мінулым тыдні былі знойдзены часткі вайсковай тэхнікі часоў Другой сусветнай.

Ёсць вялікая верагоднасць, што на Валковiча былi знойдзены тракi і колы ад нямецкага паўгусенiчнага грузавiка часоў Другой сусветнай вайны, але гэту здагадку гродзенскага гісторыка Дзмітрыя Люціка яшчэ не пацвердзілі прадстаўнікі «Лініі Сталіна».

«Мы ўбачылі ў інтэрнэце артыкул пра тое, што ў Гродне, згодна з легендай, закапаны нямецкі БТР. Мы зацікавіліся і прыехалі, бо імкнемся па ўсёй Беларусі правяраць падобныя гісторыі, — распавядае дырэктар па развіцці комплексу „Лінія Сталіна“ Міхаіл Мятла. — Мы ведалі, што тут знайшлі толькі часткі, але нас яны таксама цікавяць, бо некаторыя ў будучыні спатрэбяцца для рэстаўрацыі якой-небудзь тэхнікі часоў Другой Сусветнай вайны. Цяпер наша мэта праверыць тэрыторыю. Магчыма, знойдзем яшчэ што-небудзь».

За год атрад можа выязджаць на 30 падобных выездаў і правяраць легенды беларусаў. У асноўным спецыялісты выязджаюць і шукаюць самі, але ў Гродна, можна сказаць, прыехалi на гатовае, бо да iх папрацавалі будаўнікі.

«У гэтым выпадку знайшлі да нас. Трактар каўшом капнуў і дастаў частку вайсковай тэхнiкi, і гэта дрэнна. Зараз, калі мы капаем, то грунт у нас увесь перамяшаны, штосьцi знаходзiм ужо ў вельмі дрэнным стане. Сёння атрымалася знайсці яшчэ некалькі частак ад тэхнікі, шмат разбітага посуду, флягу і рознае смецце», — дадаў Міхаіл Мятла.

Што ўсё ж знайшлі на Валковіча? Спецыялісты дадуць адказ пасля даследавання знаходак і тэрыторыі.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: