На «Вольную сцэну» фестываля Lidbeer музыкантаў выбіралі праз галасаванне на сайце. Dzieciuki ўвесь час былі ў лідарах. Але 28 жніўня музыкі напісалі ў сацсетках, што пасля адпраўкі тэкстаў на ўзгадненне, ім нечакана паведамілі, быццам 200 галасоў гурт «накруціў». На фестывалі яны не выступяць. «Дзіўная навіна, але прадказальная», — кажуць музыкі.
— Уся інфармацыя ад нашага сябра і аднаго з прадстаўнікоў гурта ў Мінску — Філіпа Квача, — кажа вакаліст Аляксандр Дзянісаў. — Усё, што пачуў па тэлефоне, ён выклаў на нашых афіцыйных старонках. Больш інфы не маем. Я не аматар тэорыяў змоваў, але не асабліва верыў у тое, што мы выйдзем на сцэну LIDBEER’а. Усе пытанні да арганізатараў, якія вам адкажуць: Dzieciuki несумленна накруцілі 200 галасоў.
[irp posts="3389″ name="Галоўны мінскі ідэолаг не дазволіў канцэрт гурта Dzieciuki"]
У выніку першае месца заняў гурт ЧуVство Полета (1368 галасоў), другое — KITCHEN STUFF ONLY (927), трэцяе — Коктейль Шаляпина (810), чацвертае — Tempo Bay (616), пятае — Мутнаевока (550), шостае — НаОдинДень (426). Арганізатары дыскваліфікавалі за накрутку галасоў пяць гуртоў. Сярод іх былі і Dzieciuki.
Dzieciuki доўгі час былі лідарам галасавання. Пазней першым стаў мінскі гурт «Чип и Дейл», які сабраў за паўтары тыдні 13 000 галасоў. У сацсетках гаварылі пра недабрасумленнасць мінчукоў: маўляў, галасы «накручаныя», а лідар за голас прапануе бас-туры са зніжкай і бясплатныя квіткі. Dzieciuki ішлі другімі з колькасцю каля 1600 галасоў. Карыстальнікі сацсетак не вераць, што гурт «накручваў» галасы, і лічаць, што яны не выступяць на фестывалі па ідэалагічных прычынах.
Галасаванне праходзіла на сайце lidbeer.by з 22 ліпеня па 22 жніўня. Арганізатары абяцалі, што на сайце будзе працаваць сістэма вызначэння накрутак, і музыкі, якія «накруцілі» галасы з дапамогай ботаў, будуць дыскваліфікаваныя. Арганізатары кажуць, што пакінуць у галасаванні калектывы, у якіх была выяўленая накрутка, было б несумленна ў адносінах да іншых удзельнікаў.
[irp posts="19 836″ name="Dzieciuki ўпершыню за доўгі час выступілі ў родным горадзе — на фэсце «Хавайся ў бульбу""]
Сям'я з Ліды эканомна адпачыла ў Катары. Краіна дарагая, а Віталь і Таццяна - простыя…
Для пляжаў Гродна вырабяць 105 інфармацыйных знакаў. На іх будзе напісана, што забаронена купанне, вядзецца…
Чарговую пліту на гродзенскай Алеі кіно адкрылі 6 верасня напярэдадні Дня горада. Алея размяшчаецца на…
Недабудаваны сяміпавярховы будынак на праспекце Індустрыяльным, 12 у Смаргоні збіраюцца знесці. Рашэнне аб зносе прыняў…
Пракурор прапанаваў забараніць на "Гродна Азот" роднасныя сувязі ў супрацоўнікаў, якія знаходзяцца ў падпарадкаванні. Каб…
У Гродне 5 верасня прайшла прэм'ера прапагандысцкага фільма "Культурный код". У "Чырвоную зорку" прыйшлі вучні…