Здароўе і спорт

«Нёман» на сваім лёдзе саступіў швейцарскаму «Цугу»

Падапечныя Сяргея Пушкова ў нядзелю 27 жніўня ў матчы групавога раўнда Лігі чэмпіёнаў не здолелі супрацьстаяць швейцарскаму «Цугу». На гродзенскім лёдзе госці абыгралі гаспадароў з лікам 3:2.

Пасля паразы ў Фінляндыі ад «Ювяскюля», швецарцы прыехалі ў Гродна толькі за перамогай. Але лёгкай прагулкі па беларускiм лёдзе ім ніхто не абяцаў, бо «Нёман» у першым матчы сёлетняга рызыгрыша Лігі чэмпіёнаў здолеў абыграць аўстрыйскую «Вену».

Швейцарцы з самага пачатку матчу задалі добры тэмп, і «Нёману» на працягу ўсёй першай дваццаціхвілінкі было вельмі складана. Але ў самым канцы перыяду гродзенцы здолелі прымусіць «Цуг» парушыць і зарабіць выдаленне. Рэалізаваўшы колькасную перавагу, «Нёман» закінуў важную шайбу швейцарцам і тым самым пайшоў на перапынак з перавагай ў адну шайбу.

Другі перыяд гродзенцы цалкам правалілi. «Цуг», як і ў першым перыядзе, пачаў актыўна, што і прынесла імгненны вынік. Госці хутка зраўнялі лiк, а пасля і выйшлі наперад. У сярэдзіне дваццаціхвілiнкі яны зрабілі лiк 1:3.

Трэцi перыяд пачаўся з атакі гродзенцаў. Хутка рэалізаваўшы колькасную перавагу, гаспадары здолелі адыграць адну шайбу. Але нягледзячы на старанне гродзенцаў больш у матчы ім забіць не ўдалося. У выніку чырвона-чорныя церпяць першае паражэнне ў сёлетнiм розыгрышы Лігі чэмпіёнаў.

«Нёман» — «Цуг» — 2: 3 (1: 0, 0: 3, 1: 0)

Шайбы: 1:0 — Баярчук (Бадун, А. Маляўка, 19.44 — бол.). 1: 1 — Стольберг (Ламмер, Гроссман, 20.37). 1: 2 — Маккiнтайр (Марцін, 25.31). 1: 3 — Марцін (Дыяс, 31.13). 2: 3 — Дарафееў (Стэфановіч, Пасют, 40.27 — бол. 4×3).

Такім чынам, «Нёман» пасля двух гульняў з 2 ачкамі займае трэцяе месца ў сваёй групе. На другой пазіцыі ідзе швейцарскі «Цуг» — 3 ачкі, а ўзначальвае групу фінская «Ювяскюля» — 6 ачкоў.

Ужо на наступным тыдні «Нёман» працягне выступленне ў Лізе чэмпіёнаў. 3 верасня гродзенцы будуць гасцяваць у «Цуга».

Падзяліцца
Меткі: спорт

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025