Каля 200 гродзенцаў у суботу 27 мая наведалi веласвята на вуліцы Янкі Купалы, якое арганізавала сетка магазінаў “Твой велик”. На спецыялізаванай пляцоўцы праходзілі розныя конкурсы, заезды дарослых на роварах і дзяцей на бегавелах.
Такое свята ў Гродне прайшло ўпершыню і сабрала шмат удзельнікаў і проста гледачоў.
“Наша мерапрыемства не для прафесіяналаў, а для аматараў, якія маглі ўдзельнічаць цэлымі сем’ямі. Самому малодшаму ўдзельніку нашага веласвята было 2 гады, а найстарэйшаму 80. З наступных выходных у нас пачынае працу клуб правільнай язды дзе велатрэнер будзе праводзіць заняткі для аматараў двухколавага транспарту. Будзем распавядаць пра карысць ровара, як правільна ездзіць і многае іншае. Запрашаем усіх далучыцца ў суботу 3 чэрвеня на нашае чарговае мерапрыемства. Стартуем у 10.00 ад гасцініцы “Турыст”, – распавёў дырэктар сеткі магазінаў “Твой велик” Андрэй Бертэль.
