Спадчына

У Свяцку будаўнікі заняліся рэканструкцыяй палаца: 1 млн еўра можа выдзеліць ЕС

Уладальнік палаца «Санаторый «Азёрны», падшэфная арганізацыя Нацбанка, анансаваў адкрыццё ў палацы новай гасцініцы з працэдурамі. Ужо ідуць працы ўсярэдзіне будынка, пададзены заяўка на фінансаванне ў межах праграм трансгранічнага супрацоўніцтва, піша «Перспектыва».

Работы па сядзібе пачаліся каля пяці гадоў таму. У маёнтку уладкавалі паркавую зону і вадаёмы. Але апошнім часам на будпляцоўцы назіралася зацішша. Ва ўласніка не было сродкаў, каб працягнуць рэканструкцыю.

Будаўнікі вярнуліся ў Свяцк у пачатку 2017 года. Падрадчыкам выступае «Гроднажылбуд». Будаўнікі ўжо завяршылі работы ў падвалах палаца, умацавалі падмурак і правялі яго гідраізаляцыю. На аб’екце зрабілі каналізацыю, пракладваюць электрасеткі. У самім будынку памянялі перакрыцці і дэмантавалі старыя элементы.

Праект па рэканструкцыі, складзены УП «Праектрэстаўрацыя» больш за пяць гадоў таму, налічваў пяць тамоў даследчых работ. Праекціроўшчыкі вывучалі архіўныя дакументы, каб у чарцяжах аднавіць гістарычнае аблічча палаца, які пабудаваў князь Юзаф Валовіч ў XVIII стагоддзі. Аднак за гэты час праект састарэў, яго адправілі ў ААТ «Белрэстаўрацыя» на «пераацэнку» каля паўтары гады таму. Праўда, эксперты марудзяць з адказам, і гэта зацягвае тэрміны рэстаўрацыі.

Будаўнікам трэба будзе аднавіць фасады, ачысціць сцены і столі ад пласта тынкоўкі, замяніць падлогі, выканаць падводку інжынерных сістэм.

Дарэчы, надбудову трэцяга паверха вырашылі пакінуць пасля доўгай перапіскі з гісторыкамі, якія першапачаткова расцанілі мансарду як «новодел» савецкай эпохі.


Свяцк-2013: Некампетэнтнасць пад выглядам рэстаўрацыі


У антычных залах другога паверха будынка захаваліся аўтэнтычныя каміны, сцены з раскошнай ляпнінай, люстра, драўлянае аздабленне вялікіх вокнаў і дэкарацыя дзвярэй. Як паведамлялася раней, у залах плануецца ўзнавіць убранне з мэбляй з масіва.

Сёння ўсе работы па рэстаўрацыі вядуцца за кошт уладальніка. Праўда, у палаца ёсць шанец атрымаць на гэтыя мэты мільён еўра. Праект удзельнічае ў конкурсе па праграмах трансгранічнага супрацоўніцтва тэхнічнай дапамогі ЕС «Латвія-Літва-Беларусь» і «Польшча-Беларусь-Украіна» на 2014−2020 гады". Гродзенскі райвыканкам падпісаў адпаведны пратакол аб намерах супрацоўніцтва ў 2016 годзе.

Як распавяла вядучы спецыяліст аддзела ідэалагічнай работы, культуры і па справах моладзі Гродзенскага райвыканкама Ірына Голубева, канцэпцыя праекта прайшла ў фінал конкурсу і цяпер журы ацэніць яго пакрокавую рэалізацыю. Вынікі стануць вядомыя да канца года.

Гэта магло б значна паскорыць работы. Пакуль планы па тэрмінах здачы аб’екта ў эксплуатацыю адміністрацыя санаторыя «Азёрны» не выдае.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025