Падляшша і Гродзеншчына падпісалі дамову аб супрацы

Дамову аб супрацоўніцтве паміж Падляшскім ваяводствам Польшчы і Гродзенскай вобласцю падпісалі 28 красавіка ў гатэлі «Варшава» ў Аўгустове. Дакумент акрэслівае ўмовы супрацы ў эканоміцы, інвестыцыях, прадпрымальніцтве, памежным руху, трансгранічных праектах, інфраструктуры і культуры. Асаблівае значэнне абодва бакі надаюць сумесным дзеянням па развіцці трансгранічнай супрацы і Аўгустоўскага канала.

«Гэта ўзмацняе супрацу і вызначае наш шлях надалей», — мяркуе маршалак Ежы Ляшчыньскі, што ўзначальваў польскую дэлегацыю. На думку Уладзіміра Краўцова, старшыні Гродзенскага аблвыканкама, «юрыдычнае афармленне пагадненняў з’яўляецца яшчэ адным імпульсам да развіцця паспяховага супрацоўніцтва».

Гродненская дэлегацыя на перамовах аб супрацы
«Нягледзячы на шэраг iнвестыцый, што былі зроблены да гэтага часу, турыстычная інфраструктура вакол Аўгустоўскага канала ўсё яшчэ патрабуе ад нас сталай інтэнсіўнай працы. Прыцягненне знешніх сродкаў дазволіць асвоіць тэрыторыю з пункту гледжання дарожнай інфраструктуры, стварэння веласіпедных сцежак, пешых маршрутаў і падтрымання канала ў належным стане», — адзначыў Ежы Ляшчыньскі.

Гродзенскі старшыня аблвыканкама таксама адзначыў важнасць трансгранічнага турызму для эканамічнага развіцця рэгіёна. «Наш малы і сярэдні бізнес ужо адрэагаваў на бязвізавых турыстаў - з’явіліся кавярні, рэстараны, невялікія гасцініцы, адкрылі многа новых музеяў». У планах аблвыканкама — музеефікацыя фартоў вакол Гродна і больш актыўнае аднаўленне гістарычных аб’ектаў, каб было што паказаць замежным турыстам.

Ежы Ляшчыньскі (злева) і Уладзімір Краўцоў падпісалі дамову аб супрацы паміж Падляшскім ваяводствам і Гродзенскай вобласцю
Паўплывае падпісанне дамовы і на эканамічны рост Гродзеншчыны, мяркуе старшыня аблвыканкама. Акрамя таго, што турыстам трэба спачатку паказаць прыроду і гісторыю, варта пазнаёміць іх з дасягненнямі гродзенскай медыцыны, прапаноўваць прамысловы турызм — наведванне прадпрыемстваў Гродзеншчыны і знаёмства з інавацыйнымі прадпрыемствамі, напрыклад, Паркам высокіх тэхналогій.

«Услед за гэтым звычайна ідзе дзелавое супрацоўніцтва», — мяркуе Уладзімір Краўцоў. Тым больш, перадумовы для гэтага ёсць: «Тавараабарот з Польшчай у нас стала расце, летась склаў 106% ад папярэдняга. Апошнім часам, у сувязі з увядзеннем бязвізавага рэжыму, актывізаваліся бізнесовыя колы. Вымалёўваецца буйны трансгранічны праект стварэння мульцімадальнага лагістычнага цэнтра, ім займаецца наша свабодная эканамічная зона, з польскага боку ёсць цікавасць да перапрацоўчых прадпрыемстваў Смаргонскага рэгіёна».

Традыцыйна бакі абмяняліся падарункамі. Уладзімір Краўцоў уручыў польскай дэлегацыя выяву з Фарным касцёлам у Гродне
Таксама Уладзімір Краўцоў распавёў аб падрыхтоўцы прапановаў, звязаных з пашырэннем зоны бязвізавага рэжыму: «Калі наш аэрапорт увойдзе ў бязвізавую зону, то адкрыюцца дадатковыя магчымасці яго задзейнічаць. Ва ўсім свеце пашыраюцца лоўкосты, думаю, што гэта паспрыяе, каб і ў нас яны з’явіліся».

[irp posts="20 595″ name="Па вадзе, на ровары і пешшу. Перайсці мяжу на Аўгустоўскім канале стала прасцей"]

Паспрыяе развіццю трансгранічнага турызму і рэканструкцыя памежнага пункта пропуску «Брузгі-Кузніца», што мае адбыцца ў наступным годзе. Гэтыя працы з’яўляюцца часткай рэканструкцыі трасы М6 і фінансуюцца Сусветным банкам. На абноўленым пераходзе значна павысіцца прапускная здольнасць і зноў зявіцца магчымасць пешага перасячэння мяжы.

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025