У гродзенскай кнігарні да 9 мая з’явіліся плакаты з фэйкавым ветэранам, які сімпатызуе фашыстам

Плакат «Са святам Перамогі!», які прадаецца ў беларускіх кнігарнях, змяшчае фота ветэрана, які сімпатызуе рускім фашыстам, піша «Новы час».

Вялікафарматны плакат, прызначаны для школаў, вайсковых частак і іншых грамадскіх установаў, быў заўважаны ў адной з кнігарняў Гродна. На ім хрэстаматыйны сюжэт: віншаванне з Днём Перамогі, выявы савецкіх узнагародаў, дзяржаўны герб, фота ветэрана… Але што за ветэран на фота?

У 13 на фронце, у 20 — у Крамлі…

Апынулася, што гэта вядомы ў інтэрнэт-прасторы Леў Гіцэвіч, 1928 года нараджэння. Паводле легенды самога Льва Аляксандравіча, ён збег на фронт у 13 год і паспеў далучыцца да абароны Масквы, пазней працаваў у апараце абслугоўвання Крамля пры Сталіне і Хрушчове, зараз прэзідэнт дабрачыннага фонду, сябар «Адзінай Расіі» ды безлічы грамадскіх арганізацыяў.

Фота Гіцэвіча ў гімнасцёрцы ды касцы стала іконай для расійскай прапаганды: яго выкарыстоўваюць на плакатах, дэматыватарах, носяць партрэт Льва Аляксандравіча падчас мітынгаў. Сам ён любіць хадзіць на рознага роду масавыя акцыі, часцяком трапляе у кадр. Вобраз сапраўды характэрны, прабівае на слязу.

Ордэн Вялікай Айчыннай і казачыя крыжы

Вось толькі калі паглядзець на фота, дык незразумела, якое Гіцэвіч мае званне: то з пагонамі палкоўніка, то радавога, то старэйшага лейтэнанта. Пагоны таксама: то танкавых войскаў, то звычайных стралковых частак. Белагвардзейскі шэўрон у колерах трыкалору на рукаве гімнасцёркі чырвонаармейца, наогул, не варты каментароў.

З пагонамі падпалкоўніка
Калі разбірацца ў іканастасе медалёў і адзнакаў, то тут наогул «чорт нагу зломіць»: і ордэн Вялікай Айчыннай, і казачы знак «ЛИЕНЦЪ-1945» (памятная адзнака казакоў, якія ваявалі на баку Гітлера), і польскія ўзнагароды, і вялікі праваслаўны крыж, і …звычайная брош. Пра тое, што парадак нашэння знакаў і ўзнагародаў парушаны — наогул гаворкі няма.
Вылучаны памятны крыж казакоў-калабарантаў ЛИЕНЦЪ-1945

СПС, «Начныя ваўкі», казакі і фашысты

Гіцэвіч не застаецца ў баку і ад грамадскага жыцця. То раздае ўлёткі дэмакратычнага «Саюза Правых Сілаў», то пазуе побач з «Начнымі ваўкамі», то адчыняе помнікі Краснову і Шкуро (белагвардзейцы, якія падтрымалі Гітлера) разам з казакамі ды непрыхаванымі прыхільнікамі фашызму ў чорных кашулях ды з калаўратамі на майках.



Стаўленне да Другой Сусветнай вайны ў беларусаў, безумоўна, можа быць розным. Але навошта змяшчаць на плакатах дзяржпрызначэння настолькі сумнеўных персанажаў? Няўжо гэта не абраза для сапраўдных ветэранаў?..

P. S. Плакатаў з партрэтамі Васіля Быкава, Янкі Брыля, Максіма Танка альбо любога іншага сапраўднага франтавіка побач заўважана не было.

[irp]

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025