У суботу 8 красавіка ў атрыўме гандлёвага цэнтра «Old City» скульптары Улад Лісін і Яўген Вінакураў пры падтрымцы сацыяльнага арганізатара Сяргея Іванова прадставяць першую арт-інсталяцыю, у стварэнні якой будуць сумешчаныя тры віды мастацтва: фатаграфія, скульптура і жывапіс. Акцыя пачнецца ў 11.00.
Асаблівасць інсталяцыі ў тым, што аўтары працы прадставяць яе незавершанай і запросяць да ўдзелу ў яе стварэнні жыхароў Гродна ўжо пасля афіцыйнага адкрыцця. Такім новым спосабам Улад Лісін і Яўген Вінакураў хочуць прыцягнуць увагу жыхароў Гродна да праблемы безнаглядных жывёл.
Цэнтральнай часткай інсталяцыі будзе скульптура сабакі, выкананая ў поўны рост разам з пастаментам, пад назвай «Сабака Баскервiлька». У яе стварэнні выкарыстоўваліся фатаграфіі жывёл з пункта часовага ўтрымання і фатаграфіі хатніх жывёл. Гэта мае прадэманстраваць, што ў рэальнасці ўсе жывёлы аднолькава прыгожыя.
[irp posts="16 824″ name="Дом 2.0 і новае жыццё. Гісторыі сабак і котак, якіх забралі з прытулку"]
Аўтары размесцяць па перыметры памяшкання каркасы шасці скульптур сабак — іх будуць размалёўваць гродзенцы. Адначасова спецыялісты па аквагрыму будуць ператвараць мінакоў у «котак» і «сабак».
Кожны наведвальнік зможа прынесці корм для жывёл, зрабіўшы ахвяраванне ў спецыяльную фатаграфічную арт-міску. Фотаздымкі з мерапрыемства можна будзе размясціць у сацыяльных сетках з хэштэгам акцыі #OldCitygaf. Незвычайная экспазіцыя будзе размяшчацца ў OldCity да 23 красавіка і кожны наведвальнік гандлёвага цэнтра можа падтрымаць жывёл.
Пункт часовага ўтрымання — гэта не прытулак, па правілах трымаць жывёлу даўжэй за пяць дзён тут нельга. Аўтары працы заклікаюць усіх людзей, хто жадае завесці сабе сабаку ці котку, прыязджаць туды і выбраць сабе гадаванца.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…