Трэці матч паўфінала паміж «Нёманам» і «Гомелем» скончыўся чарговай перамогай гродзенскага клуба. У Гомелі камандзе Сяргея Пушкова прыйшлося цяжка — толькі ў другім авертайме чырвона-чорныя закінулі вырашальную шайбу ў матчы. Такім чынам «Нёману» засталася адна перамога, каб выйсці ў фінал Кубка прэзідэнта.
У асноўны час у гродзенцаў вызначыўся Аляксандр Жыдкіх, у гаспадароў адзіную шайбу правёў Аляксандр Еронаў. А аўтарам вырашальнай шайбы ў матчы стаў Мікіта Рэмезаў.
галы:
22.32 0:1 — Жыдкіх (Горбаченко, Багданоўскі, — бол.)
44.18 1:1 — Еронаў (Заламай, Брахманіс, — бол.)
99.15 1:2 — Рэмезаў (Лісічкін, Коршунаў)
Пасля матчу галоўны трэнер «Нёмана» Сяргей Пушкоў падзякаваў заўзятарам, а таксама застаўся задаволены тым, што яго каманда праявіла характар.
«Першае — гэта вялікі дзякуй нашым заўзятарам, якія пераадолелі такую адлегласць, прыехалі, падтрымалі нас сёння. Я думаю, што вынікам яны вельмі задаволеныя. І ўсе, хто прыехаў, правільна зрабілі, лічу, што яны ўбачылі вельмі добры хакей у выкананні дзвюх каманд. Хлопцы сёння што рабілі на пляцоўцы — біліся, абедзве каманды хацелі. Былі ў кагосьці памылкі, былі моманты, каб забіць і цягам асноўнага часу, і ў дадатковы. Не працавала большасць, што ў нас, што ў гаспадароў пляцоўкі. Напэўна, усё ж здорава згулялі ў абароне. Таму ўсяго толькі па адной шайбе забілі. Задаволены хлопцамі, тым характарам, які яны сёння праявілі. Ішлі туды, калі трэба было. Малайцы яны. І, вядома, нашы заўзятары — з перамогай. З перамогай усіх, хто перажываў за нас у сённяшні вечар у Беларусі».
Варта адзначыць, што трэці матч ½ фіналу чэмпіянату Беларусі «Гомель» — «Нёман» (1:2) стаў другім па працягласці ў гісторыі першынстваў краіны, паведамляе «Прессбол».
Гульня доўжылася 99 хвілін 15 секунд. Самай працяглай сустрэчай у гісторыі чэмпіянату з’яўляецца супрацьстаянне ў Гомелі двухгадовай даўніны, калі мясцовы клуб высвятляў мацнейшага ў гульні з «Юнацтвам» — 165 хвілін 11 секунд.
Усе пытанні ў паўфінале каманда Сяргея Пушкова можа вырашыць ужо ў пятніцу 17 сакавіка. «Нёману» патрэбна яшчэ адна (чацвёртая) перамога ў серыі. Калі ж «Гомель» у гэты дзень здолее вырваць перамогу ў «Нёмана», то серыя працягнецца ў Гродне 19 сакавiка.
Мабільны комплекс радыяцыйнага сканавання купляюць на Беларускую АЭС. Удзельнікам закупкі можа быць юрыдычная або фізічная…
З аўкцыёну ў Гродне прадаюць мікрааўтобус Volkswagen Transporter. Ён належыць актывісту Ежы Грыгенча, завочна асуджанаму…
Блогерка пад нікам Tomchikcerberejus паказала хлеб, які яе дзіця купіла ў адной з гродзенскіх крам.…
З 15 траўня па 1 чэрвеня ў Гродне пройдзе Gastrofest. Паспрабаваць сэты ў кавярнях і…
У Ваўкавыску паабразалі гарадскія дрэвы, а некаторыя і прыбралі зусім. Гарадская камунальная гаспадарка апраўдалася перад…
У вялікай харальнай сінагозе ў Гродне знеслі ўнутраную перагародку паміж вестыбюлем і малельнай залай. На…