Завод па ўтылізацыі і механічным сартаванні адходаў адкрылі 14 сакавіка. Да гэтага прадпрыемства некалькі месяцаў працавала ў тэставым рэжыме. Зараз усё смецце з горада, а гэта каля 120 тысяч тон штогод, будзе папярэдне сартавацца для выдзялення другаснай сыравіны з адходаў. Гродзенскі завод — першае прадпрыемства такога кшталту ў рэгіёне. Плануецца, што пазней у вобласці з’явяцца яшчэ два аналагічных аб’екты — у Лідзе і Ваўкавыску.


Спонсар рубрыкі «Горад» — «Пліт-мар» ТАА (аб'яднанне «Група кампаній Белпліта»).

Замест звалкі – на канвеер. Пад Гродна пачаў працу завод па сартаванні смеццяРабіце мэблю самі і эканомце! Распілоўванне мэблевых матэрыялаў па вашых чарцяжах і велізарны склад матэрыялаў і фурнітуры ад першага імпарцёра і асноўнага пастаўшчыка мэблевых матэрыялаў і фурнітуры ў Гродзенскай вобласці.


смеццесартавальны завод адкрыццё (18)
Заля папярэдняга сартавання смецця. Згружаныя з аўтамабіля адходы загружаюцца ў прыёмныя бункеры

Асноўнае прызначэнне завода — запаволіць запаўненне палігона цвёрдых бытавых адходаў, што месціцца ў 17 кіламетрах ад Гродна, каля вёскі Рагачы. Ён быў адкрыты ў 2004 годзе і разлічаны на 2,5 млн тон смецця. На сёння тут захавана ўжо 2,1 млн тон. Калі б адходы не сартаваліся і надалей, ён бы запоўніўся праз тры гады. Праца завода дазволіць карыстацца выдзеленымі плошчамі ўтрая даўжэй.

[irp posts="8588″ name="Калі нарэшце пачне працаваць смеццеперапрацоўчы завод пад Гродна? Хроніка абяцанняў"]

Пра тое, што завод даўно быў неабходны гораду, казаў у сваім выступе і старшыня гарвыканкама Мечыслаў Гой. «Гродна заўжды вылучаўся чысцінёй і ўтульнасцю, а з пускам гэтага прадпрыемства стане яшчэ чысцейшым. Уся сістэма збору, сартавання і перапрацоўкі смецця будзе дзейнічаць па-новаму».

смеццесартавальны завод адкрыццё (1)
Старшыня гарвыканкама, Мечыслаў Гой: «Гродна заўжды вылучаўся чысцінёй і ўтульнасцю, а з пускам гэтага прадпрыемства стане яшчэ чысцейшым. Уся сістэма збору, сартавання і перапрацоўкі смецця будзе дзейнічаць па-новаму»

Каб вырашыць праблему смецця комплексна, у Гродне не толькі пабудавалі завод, але і ўсталёўваюць кантэйнерныя пляцоўкі для раздзельнага збору смецця, абнавілі транспарт для яго вывазу. Таксама Мечыслаў Гой адзначыў, што адначасова з развіццём новай сістэмы абыходжання з адходамі будуць скарачацца старыя метады — смеццеправоды ў дамах будуць выводзіцца з эксплуатацыі.

смеццесартавальны завод адкрыццё (11)
Каб сістэма перапрацоўкі адходаў працавала комплексна, закуплена 54 новых смеццявозы і 30 тысяч кантэйнераў для раздзельнага збора смецця

Новы завод гэта яшчэ і новыя працоўныя месцы. Калі прадпрыемства выйдзе на запланаваны трохзменны рэжым працы, тут будзе занята больш за 200 чалавек.

смеццесартавальны завод вакансіі1
Прапановы вакансій для працы на заводзе па ўтылізацыі і механічным сартаванні смецця. Інфармацыя са старонкі job-by.info
смеццесартавальны завод адкрыццё (3)
У бліжэйшы час, для забеспячэння двухзменнага рэжыму, на заводзе атрымаюць працу каля 60 чалавек

[irp posts="10 520″ name="Каб зарэгістравацца ў цэнтры занятасці гродзенцы займаюць чаргу з 4 раніцы"]

Незважаючы на сучасную тэхніку, на сартаванні адходаў шмат ручной працы. Смецце з аўтамабіляў выгружаецца наўпрост на падлогу ў залі папярэдняга сартавання. Тут рабочыя адбіраюць вялікія прадметы.

смеццесартавальны завод адкрыццё (12)
Заля папярэдняга сартавання. Тут пачынаецца вытворчы шлях прывезенага з горада смецця

Пасля гэтага смецце загружаецца ў прыёмныя бункеры і праходзіць праз сістэму разрывання пакетаў.

смеццевартавальны завод адкрыццё (4)
У грохатах адбываецца разрыванне пакетаў для раўнамернай падачы смецця на стучку транспарцёра

Пасля бункера адходы падаюцца ў першую кабіну сартавання, дзе працуюе па 4 чалавекі на кожнай ленце. Яны аддяляюць веташ і шкло. Кожная лінія можа прыняць 15 тон адходаў за гадзіну.

смеццесартавальны завод адкрыццё (26)
У першай кабіне сартавання аддзяляюць шкло і веташ

Астатняе смецце па транспарцёрнай стужцы падаецца ў грохаты — сістэмы сітаў, дзе аддяляюцца харчовыя адходы, якія ідуць на захараненне. З таго, што засталося, выбіраюць метал, пластык і паперу.

смеццесартавальны завод адкрыццё (29)
Далей са смецця выбіраюць другасную сыравіну — пластык, паперу і метал

Адсартаванае смецце паступае ў прэсы і пакуецца.

смеццевартавальны завод адкрыццё (5)
Адабраныя пластыкавыя бутэлькі сартуюцца па колерах. Такім чынам падрыхтавныя адходы можна прадаць на перапрацоўку па 200 € за тону. Несартаваны пластык каштуе каля 40 рублёў

Завод у Гродне быў пабудаваны за кошт пазыкаў Сусветнага банка і каштаваў каля $ 42 млн.

смеццесартавальны завод адкрыццё (9)
Дырэктар завода, Вячэслаў Андрыеўскі, за размовай са старшай спецыялісткай Сусветнага банка Клеменай Іонкавай

Спецыялістка па развіцці гарадской інфраструктуры Сусветнага банка Клемена Іонкава выказала спадзяванні на паспяховую працу прадпрыемства і далейшае супрацоўніцтва.