Апостальскі нунцый у Беларусі арцыбіскуп Габар Пінтэр наведае Гродна 4−6 сакавіка. Гэта будзе яго першы візіт у Гродзенскую дыяцэзію. Запланаваны сустрэчы з вернікамі, семінарыстамі, студэнтамі-іншаземцамі з Афрыкі і Азіі, а таксама з уладамі горада, паведаміў прэс-сакратар Гродзенскай курыі кс. Юрый Марціновіч.
Арцыбіскуп Габар Пінтэр наведае парафіі, дзе зараз ідзе будаўніцтва касцёлаў. Таксама для яго запланавана экскурсія па горадзе.
Візіт пачнецца з афіцыйнага прывітання нунцыя ля катэдральнага касцёла св. Францішка Ксаверыя 4 сакавіка ў 11.45. У 12.00 нунцый будзе служыць імшу з нагоды ўрачыстасці св. Казіміра — апекуна Гродзенскай дыяцэзіі.
5 сакавіка нунцый наведае парафіі ў Вішняўцы і на Дзевятоўцы, а таксама сустрэнецца са студэнтамі-католікамі з Афрыкі і Азіі ды з удзельнікамі розны каталіцкіх супольнасцей горада — душпастырствамі студэнтаў, выкладчыкаў, лекараў, членамі ордэнаў свецкіх і іншымі.
Сёлета прыпадае 25-годдзе ўсталявання дыпламатычных адносін паміж Беларуссю і Ватыканам. Дамова падпісана 11 лістапада 1992 года ў Мінску. У гэты дзень папа Ян Павел ІІ выдаў Апостальскую грамату «Quantam tandem» аб заснаванні Апостальскай нунцыятуры ў Беларусі і яе адкрыцці.
Нунцый з’яўляецца пастаянным дыпламатычным прадстаўніком Папы Рымскага ў дзяржавах, з якімі Ватыкан падтрымлівае афіцыйныя дыпламатычныя адносіны. У наш час гэтыя функцыі адпавядаюць Надзвычайнаму і Паўнамоцнаму Паслу.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…