У Гродне пачалася ўстаноўка навагодняй ілюмінацыі

Уздоўж вуліцы Савецкай пачалі ўсталёўваць металічныя святочныя аркі. Уключыць іх плануюць праз месяц – у сярэдзіне снежня.

Аўтарам навагодняй ілюмінацыі, якую ў мінулым годзе да апошняга трымалі ў вялікім сакрэце, з’яўляецца былы супрацоўнік “Гарсвятла” Канстанцін Казакоў. Год таму яго абвінавацілі ў тым, што ён нібыта раскрыў таямніцу святочных інсталяцый журналісту “Твайго стылю”. Аднак ні знешні выгляд, ні асаблівасці канструкцыі арак на сайце не былі апублікаваныя. “Сакрэтныя” ілюмінацыі былі апісаны толькі двума словамі – “інавацыйныя аркі”. Па просьбе “Гарсвятла” гэтую інфармацыю прыбралі з сайта, але дызайнера ўсё роўна звольнілі.

Цяпер Канстанцін працуе сам на сябе. Ягоныя дзевяць арак будуць як і год таму цешыць гараджан.

2
Парад Дзедаў Марозаў. Фота з архіву “Твайго стылю”

Чым здзівіць у гэтым годзе “Гарсвятло” яшчэ не вядома. Плануецца, што ўстаноўка елак на цэнтральных плошчах Гродна пачнецца прыблізна ў 20-х чыслах лістапада. 16 снежня Дзед Мароз традыцыйна ўключыць навагоднюю ілюмінацыю.

Дарэчы, зараз у групе аўтагродна шукаюць адпаведны транспарт для Дзеда Мароза і Снягуркі – нешта незвычайнае і новае для гледачоў шэсця. Нагадаем, што ў мінулыя гады гэта былі лімузін, карэта, квадрацыкл і пазадарожнік.

Калі ў вас рэдкі аўтамабіль, апублікуйце яго фатаграфію ў спецыяльным альбоме групы аўтагродна і станьце на адзін вечар персанальным кіроўцам галоўнага Дзеда Мароза горада.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Раім пачытаць

Каментары

Spelling error report

The following text will be sent to our editors: