Навіны

Маршалак Падляшша і яго дэлегацыя сталі першымі бязвізавымі турыстамі ў Гродне

Госці з Падляшскага ваяводства на чале з маршалкам Ежы Ляшчынскім сталі першымі турыстамі, якія заехалі на тэрыторыю Гродзенскай вобласці згодна з новым заканадаўствам аб бязвізавым уездзе. 26 кастрычнiка польская дэлегацыя прыняла ўдзел ва ўрачыстым адкрыцці ў Гродне новага турысцка-інфармацыйнага цэнтра Падляшскага ваяводства.

Нагадаем, з 26 кастрычніка ўступіў у дзеянне Указ Прэзідэнта № 318, які дае магчымасць замежным турыстам на працягу пяці сутак наведваць без віз тэрыторыю спецыяльнага турысцка-рэкрэацыйнага парку «Аўгустоўскі канал» і прылеглыя тэрыторыі, у якія ўваходзіць уласна Гродна і частка Гродзенскага раёна.

Польская дэлегацыя пераехала беларуска-польскую мяжу ў пункце пропуску «Лясная-Рудаўка» на Аўгустоўскім канале. Там іх сустракалі прадстаўнікі мясцовых уладаў Гродзеншчыны. Разам яны адправіліся ў Гродна, дзе прынялі ўдзел у адкрыцці турысцка-інфармацыйнага цэнтра Падляшша.

«У сувязі з зацікаўленасцю турыстаў, ужо зараз адчуваецца неабходнасць у такіх цэнтрах. Такі пункт адкрываецца не толькі ў нас, але і ў Беластоку — там яго адкрыццё запланавана на 3 лістапада. Цэнтры пазнаёмяць жыхароў рэгіёнаў з патэнцыялам рэгіёнаў-суседзяў. Мы разьлічваем, што такія цэнтры прыцягнуць увагу турыстаў „, — распавяла намеснiк начальніка Упраўлення спорту і турызму гродзенскага аблвыканкама Таццяна Лiдзяева.

У цэнтрах будуць даступныя турыстычныя буклеты і карты, супрацоўнікі будуць распавядаць пра турыстычныя славутасці рэгіёнаў, а таксама дапамогуць падабраць турыстычную паездку. Усе гэтыя паслугі цэнтраў будуць бясплатнымі.

Польскія турысты ў Гродзенскай вобласці па колькасці знаходзяцца на другім месцы пасля расіян. Цяпер каб ім, ды іншым грамадзянам Еўрасаюза, патрапіць у Гродне, не спатрэбіцца віза. Трэба будзе запоўніць заяўку на сайце grodnovisafree.by, пасля чаго турыстычная фірма выдасць дакументы для ўезду ў Беларусь без візы.

[irp posts="1532“ name="Урад прыняў правілы бязвізавага ўезду на Аўгустоўскі канал і ў Гродна"]

Вядома, што ўжо з раніцы 26 кастрычніка на сайце зарэгістраваліся польскія, нямецкія і іспанскія турысты, гатовыя прыехаць на Гродзеншчыну ў бліжэйшыя выходныя.

[irp posts="2014» name="Google Translate пераклаў бы лепей: чым замежных турыстаў сустракае сайт бязвізавага Гродна"]

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025