Здароўе і спорт

«Нёман» на выездзе абыграў «Віцебск»

Праз два дні пасля найцяжэйшага матчу ў фінале Кубка, гродзенскі «Нёман» адправіўся на поўнач краіны ў Віцебск, каб згуляць у чарговым туры чэмпіянату Беларусі. У захапляльным матчы чырвона-чорныя здолелі абыграць «Віцебск» і павезці ў Гродна тры ачкі.

У складзе «Нёмана» вызначыліся Сяргей Дарафееў, Павел Баярчук, Арцём Кіслы, Элвiйс Безайс і Сяргей Маляўка. У гаспадароў адзіную шайбу правёў Міхаіл Казлоў.

«Віцебск» — «Нёман» 1:5 (1:2, 0:2, 0:1)

Галы:

07.37 0:1-Баярчук (С.Маляўка, Бадун)
10.54 0:2-Дарафееў (Маркоўскі, Лаканен,-бол.)
11.39 1:2-Казлоў (Каштанаў, Джыг,-бол.)
21.55 1:3-Безайс (Гарбачэнка, Дадонаў)
23.43 1:4-Кіслы (Пасют, Лакконен)
53.42 1:5-С.Маляўка (Коршунаў, А.Маляўка,-бол.)

Пасля матчу галоўны трэнер «Немна» Сяргей Пушкоў пракаментаваў перамогу сваёй каманды.

«Літаральна два дні таму мы правялі вельмі цяжкі матч, першую гульню фіналу Кубка. Я думаю, вельмі шмат сіл было затрачана і фізічных, і маральных, таму пры падрыхтоўцы да гэтай гульні была пэўная размова з хлопцамі аб тым, як паставіцца да гульні, што трэба падысці сур’ёзна.

Задаволены, што не толькі дамагліся выніку, але і як мы гэта зрабілі. Былі добрыя моманты, якія мы стваралі. Можа быць, трохі пакідала жадаць лепшага гульня ў абароне. Гаспадары прымушалі нас дапускаць памылкі ў абароне сваёй актыўнай гульнёй у зоне атакі. Задаволены, што правялі гульню на добрым узроўні на сённяшні дзень. Хлопцаў з перамогай. Малайцы".

Пасля перамогі над «Віцебскам», гродзенцы дагналі «Юнацтва» ў турнірнай табліцы і цяпер дзеляць з мінскай камандай другі і трэці радок. У каманд па 30 ачкоў, праўда, у «Юнацтва» на два матчы менш.

Ужо 25-га кастрычніка ў Мінску «Нёман» правядзе найважнейшы адказны матч фіналу Кубка супраць «Юнацтва». На гэты матч плануецца вялікі выезд групы падтрымкі «Нёмана». Каб больш даведацца пра выезд, глядзіце тут.

Падзяліцца
Меткі: спорт

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025