Што будзе з цэнамі на нерухомасць у Гродне, як блізкасць межаў уплывае на рынак нерухомасці, у якіх раёнах горада самыя дарагія кватэры і хто часцей за ўсё іх купляе? Пра гэта Hrodna.life распавёў Вадзім Квасоўка, дырэктар гродзенскага філіяла Цэнтра нерухомасці «Пакодан».
Рубль стабільны, цэны таксама
На фарміраванне коштаў на другасным рынку заўсёды аказвае ўплыў цана забудоўшчыка, кажа Вадзім Квасоўка. У нашым горадзе асноўным гульцом з’яўляецца «Гроднажылбуд». Кошт метра ў новых дамах, якія толькі закладваюцца, стаў крыху вышэйшы. Курс рубля ў адносінах да долара адносна стабільны, таму цана на жыллё ад «Гроднажылбуд» падымаецца. Гэта і не дазваляе апускацца цэнам на другаснае жыллё.
Эксперт адзначае, што ў апошнія гады на рынку нерухомасці назіраецца стабільнасць. «У 2014 годзе цэны на кватэры ўпалі на 40−50%, дасягнуўшы такім чынам пэўнага раўнаважкага мінімуму».
Нягледзячы на тое, што ў дакрызісныя гады тэмпы будаўніцтва былі вышэй, попыт на жыллё застаецца досыць высокім, кажа Вадзім Квасоўка. Прыклад — дамы «Гроднажылбуда», дзе яшчэ на стадыі закладкі бываюць прададзеныя практычна ўсе кватэры.
Расійцы пачалі з’язджаць
За апошнія гады змянілася геаграфія пакупнікоў, кажа Квасоўка. Сярод расійцаў, якія раней досыць актыўна скуплялі нерухомасць у Беларусі, стала больш тых, хто пазбаўляецца ад раней набытай маёмасці. З’яўляецца попыт з Захаду, але ён пакуль невялікі.
Кожны чацвёрты пакупнік — прыезджы
«В наш город переезжает много людей из райцентров. Из Гродно тоже переезжают в столицу, но приезжих из периферии больше, чем тех, кто уезжает в Минск». Вадим Квасовка отмечает, что сегодня каждый четвертый покупатель квартиры в Гродно — приезжий. В основном это те, кто собирается жить тут сам. Но есть и те, кто покупает жилье детям, например, когда те приезжают учиться.
«У наш горад пераязджае шмат людзей з райцэнтраў. З Гродна таксама пераязджаюць у сталіцу, але прыезджых з перыферыі больш, чым тых, хто з’язджае ў Мінск «. Вадзім Квасоўка адзначае, што сёння кожны чацвёрты пакупнік кватэры ў Гродне — прыезджы. У асноўным гэта тыя, хто збіраецца жыць тут сам. Але ёсць і тыя, хто купляе жыллё дзецям, напрыклад,
калі тыя прыяжджаюць вучыцца.
«Замежжа нам дапаможа»
Сярод пакупнікоў шмат тых, хто працуе за мяжой. Па словах Вадзіма Квасоўкі, адчуваецца ўплыў таго, што мы знаходзімся на мяжы з Еўрасаюзам.
«Людзі, якія эмігравалі ці проста працуюць у Еўропе, прывозяць грошы сюды і купляюць жыллё. Яны прывозяць і ўкладаюць валюту, падтрымліваючы рынак нерухомасці гэтымі падсілкоўваннямі».
Такіх пакупнікоў каля 10−20%.
Крэдыты вярнуліся
Вадзім адзначае, што ў пачатку года года былі пытанні з крэдытаваннем нерухомасці: некаторыя банкі спынілі выдачу такіх крэдытаў. Таму ў першым квартале практычна не было здзелак з прыцягненнем крэдытаў.
«Цяпер зноў людзі пайшлі, кожны другі цікавіцца крэдытам».
Стаўка крэдыту для куплі нерухомасці - каля 16%.
Няма грошай — жыві ў Альшанцы
Не лічачы цэнтра, дзе вельмі мала новых дамоў, цэняцца кватэры ў новых у дамах па вуліцах Пушкіна, Каліноўскага, блізкая частка вуліцы Ліможа, дамы па вул. Шчорса і Пралетарскай.
«Новыя дамы і добры рамонт можа даць цэны да 900 долараў за квадрат, хоць у пікавыя гады цана квадрата вырастала да 1200 долараў».
Нерухомасць як інвестыцыя
Ёсць сярод пакупнікоў і тыя, для каго набыццё нерухомасці - спосаб укласці грошы. «Гэта інвестары, якія такім чынам проста ўкладаюць грошы. Яны часцей за ўсё купляюць кватэры ў цэнтральнай частцы горада. Нярэдка, каб потым здаваць на суткі. Хтосьці купляе і пакідае кватэры дзецям, якія яшчэ толькі падрастаюць».
Вадзім Квасоўка адзначае, што ў сённяшняй сітуацыі інвестыцыі ў нерухомасць можна разглядаць толькі як інвеставанне на доўгатэрміновую перспектыву.
«У бліжэйшыя 2−3 гады наўрад ці варта чакаць якіх-небудзь зменаў цэн. Для гэтага неабходныя істотныя эканамічныя змены, такія як стабільны рост даходаў у насельніцтва. Цяпер назіраюцца толькі сезонныя змены. Рост попыту і нязначныя ваганні цэн традыцыйна прыпадаюць на восень і вясну. У летні і зімовы перыяд надыходзіць зацішша, цэны крыху апускаюцца».
Жадаючым інвеставаць у нерухомасць, рыэлтар раіць купляць эксклюзіўныя варыянты: напрыклад, кватэры ў гістарычным цэнтры, цэны на якія заўсёды будуць расці.
