Усяго за паўгода: Сямашка амаль дабудаваў новы дом у цэнтры Гродна

Бізнесмэн Станіслаў Сямашка пабудаваў новы аб’ект у самым цэнтры Гродна. У будучыні будынак можа стаць гандлёвым цэнтрам.

Новы будынак узвялі з нуля. Ён з’явіўся на пустцы насупраць турмы, побач з месцам, дзе ў савецкія гады стаяў падобны будынак. Зямлю пад будаўніцтва бізнесмэн купіў за 255 тысяч долараў у канцы 2018 года. Пасля доўгіх абмеркаванняў яму ўзгаднілі праект. Да прац Сямашка прыступіў у сярэдзіне траўня.

Усяго за паўгода: Сямашка амаль дабудаваў новы дом у цэнтры Гродна
Будынак на Калючынскай, 21 у савецкія гады. Побач з гэтым месцам Сямашка ў 2019 годзе пачаў будаваць новы аб’ект. Вонкава ён павінен нагадваць старую пабудову.

У мінулым годзе напярэдадні гадавіны Кастрычніцкай рэвалюцыі ў цэнтры Гродна бізнесмэн адкрыў свой новы гандлёва-гасцінічны комплекс. Гэты аб’ект Сямашка перабудаваў за тры гады з закінутага аварыйнага будынка.

Усяго за паўгода: Сямашка амаль дабудаваў новы дом у цэнтры Гродна
Фота да пачатку будаўніцтва. Тэрыторыя, дзе ў будучыні з’явіцца новы аб’ект Сямашкі. Злева будынак, які бізнесмэн аднавіў у 2018 годзе
Усяго за паўгода: Сямашка амаль дабудаваў новы дом у цэнтры Гродна
Новы будынак Сямашкі, лістапад 2019 года

«Аб’ект знаходзіцца ў гістарычнай частцы горада, рэканструяваць і будаваць тут значна складаней, чым на Дзевятоўцы і Альшанцы, – казаў у 2018 годзе Станіслаў Сямашка. – Розніца – неба і зямля. У гістарычным цэнтры трэба выканаць усе патрабаванні ад Міністэрства культуры, прайсці ўзгадненні з Акадэміяй навук, правесці археалагічны нагляд. Але калі ісці, з цяжкасцю і перашкодамі, то штосьці атрымліваецца».

Сёння там працуюць два кафэ і апартгатэль. Новы будынак, які ўзвёў Сямашка, магчыма, будзе працаваць як гандлёвы цэнтр. Але пра гэта бізнесмэн не спяшаецца заяўляць. Вядома, што на новым аб’екце ўжо з’яўляюцца першыя арандатары. Сямашка плануе адкрыць будынак да канца 2019 года, але поўная здача аб’екта пройдзе ў лютым 2020 года.

Усяго за паўгода: Сямашка амаль дабудаваў новы дом у цэнтры Гродна
Два будынкі Сямашкі ў цэнтры Гродна

Станіслаў Сямашка ўжо прыглядаецца да чарговага аб’екта ў цэнтры Гродна – дома купца Мураўёва, які знаходзіцца па суседстве і закінуты ўжо больш за 20 гадоў. Са слоў Сямашкі, ён яго выкупіў і ўжо думае, што ў будучыні з ім рабіць.

Усяго за паўгода: Сямашка амаль дабудаваў новы дом у цэнтры Гродна


«Бедные сами виноваты, что они бедные!» – гродненский миллионер Семашко о бизнесе, рэкете и Бентли за $ 300 тысяч

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Spelling error report

The following text will be sent to our editors: