«Лихой топор» з Гродна атрымаў сярэбраную кнопку YouTube: як сталы з эпаксідкі набіраюць сотні тысяч праглядаў

Рамеснік з Гродна Аляксандр Барысевіч у канцы 2019 года атрымаў сярэбраную кнопку YouTube за свой праект «Лихой топор».

У лістападзе 2019 года Аляксандр атрымалася прыкметна стрэліць на YouTube. Гродзенец падладзіў свае ролікі пад алгарытмы відэахостынгу. Больш за ўсё праглядаў сталі набіраць відэа пра выраб сталоў з эпаксіднай смалы.

Дапамаглі папулярныя каналы

«YouTube, яго алгарытмы, трэнды і запыты гледача — пастаянна змяняюцца. Калі не сачыць, не вывучаць гэта, то паспяховы сёння кантэнт можа лёгка стаць непатрэбным заўтра. Так і здарылася ў мяне, — распавядае Аляксандр. — Я пачаў вывучаць сітуацыю, пагутарыў з калегамі і зразумеў, што ўсё памянялася. Наогул я быў прыемна здзіўлены, калегі па YouTube з вялікіх папулярных каналаў без праблем дапамагаюць парадай і дзеляцца інфармацыяй. Самую карысную інфармацыю я атрымаў ад канала-мільённіка, які вядомы ў нашай сферы кожнаму. Я нават не прасіў дапамогі, ён сам напісаў мне і распавёў пра памылкі і даў некалькі парадаў. Гэта таксама выдатна дапамагло».

Аляксандр адзначае, што з лістапада ў яго адбыліся нязначныя змены, якія паўплывалі на прасоўванне канала.

«Па першае, сёння глядач распешчаны, усе хочуць атрымліваць большую колькасць інфармацыі за меншы час — гэта трэба ўлічваць, адпаведна рабіць ролікі больш дынамічнымі і захапляльнымі. Таксама вельмі важны гук, ён павінен быць якасным і без рэха, каб чалавек атрымліваў эфект прысутнасці і ўваходзіў у працэс, і яшчэ пару дзясяткаў дробязяў, якія я змяніў у сваіх роліках. Пасля гэтага яны і сталі набіраць прагляды».

Далей — залатая кнопка?

За 100 тысяч падпісчыкаў на YouTube Аляксандр у снежні атрымаў сярэбраную кнопку. Зараз на канале гродзенца на 75 тысяч падпісчыкаў больш.

«Кнопка не была мэтай. Гэта прыемная ўзнагарода і галачка для кожнага ютубера. Скажу па сакрэце, што з кнопкі таксама будзе зроблены стол. У бліжэйшы час падпісчыкі ўбачаць гэта на канале. Далей будзе залатая кнопка, у мяне няма ніякіх сумневаў. Усё ідзе паводле плану, нават калі вярнуцца да нашага інтэрв'ю пару гадоў таму».

Чытайце таксама: «Смотрят и школьницы, и брутальные мужики». Гродненский ремесленник через YouTube популяризирует свои изделия


Працягне дапамагаць бяздомным жывёлам

У 2019 годзе Аляксандр задумаў новы праект. Ён выпускаў відэа ў падтрымку бяздомных жывёл. У планах было сабраць за год $ 50 000 на рамонт прытулку.

«Гэта мая асабістая ініцыятыва, я заўсёды стараўся дапамагаць бяздомным жывёлам і рабіў гэта яшчэ да з’яўлення канала. Потым з’явілася думка інтэграваць гэта ў кантэнт, бо усё гэта — маё жыццё.
Але на гэтым канале гэты фармат не зайшоў. Таму я яго прыпыніў. Зараз прадумваю дэталі і ўжо раблю новы праект, гэта будзе асобны канал, дзе збяруцца людзі, якім цікавая менавіта гэтая тэма, усе сродкі з гэтага канала пойдуць на ўтрыманне жывёл. У галаве ў мяне ёсць канкрэтная карцінка,
што я хачу ў выніку зрабіць і як гэта павінна працаваць. Гэта і ёсць мая асноўная мэта ў жыцці, і я яе абавязкова рэалізую, няхай нават праз некалькі гадоў. Метады і спосабы для дасягнення мэты можна і трэба мяняць, пастаянна спрабуючы нешта новае і эксперыментуючы. Галоўнае не змяняць мэты, і ўсё будзе».

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025