Горад

А калі не зносіць? Што можна зрабіць з «Молочного Мира» на Гарнавых

Гродзенскі «Молочный мир» хоча збудаваць на месцы фабрыкі марожнага на Гарнавых 19-павярховы дом-свечку. Пры гэтым, што спачатку там планаваўся 4−9-павярховы дом. Але фабрыку можна захаваць і граматна яе выкарыстоўваць.

«Свечка» да непазнавальнасці зменіць від занёманскай панарамы Гродна, якой так любуюцца турысты, калі наведваюць гродзенскія замкі і Каложскую царкву. Цікава, што прапанаваны праект у рэальнасці хаця і мае 19 паверхаў, але з улікам верхняй часткі даходзіць да 23−25 паверхаў у эквіваленце. Як гэты аб’ект упішацца ў гарадскую забудову Занёмання можна пабачыць на здымках ніжэй.

Сам будынак былога «Малочнага Міра» цікавы як аб’ект прамысловай архітэктуры. Ён узведзены ў 1938 г., знаходзіцца ў добрым стане і мае добрую навакольную тэрыторыю. Спачатку будынак планавалася перапрафіляваць пад культурна-турыстычны аб’ект, каб гродзенцы і жыхары горада маглі тут адпачыць.

Будынак фабрыкі марожанага
Гэты будынак — адзін з апошніх даваенных прамысловых аб’ектаў горада. За апошнія гады ў Гродне былі знесены электрастанцыя (1912 г. пабудовы), будынак гарбарні (1927 г. пабудовы), фабрыка алоўкаў (сяр. ХІХ ст.), будынак казармаў па вул. Перамогі. Між тым прамысловыя музеі карыстаюцца вялікай цікавасцю турыстаў, у тым ліку і іншаземных.

Што размясціць у фабрыцы марожанага?

У будынку былой вытворчасці «Малочны Мір» можна стварыць выдатны турыстычны аб’ект, арганізаваўшы там:

1. Выстаўку гісторыі гродзенскай прамысловасці ад старажытных часоў да нашых дзён.

2. Выстаўку рэтратэхнікі пад адкрытым небам (гродзенскія калекцыянеры тэхнікі акурат шукаюць такое месца).

3. Выстаўку старога гарадскога грамадскага транспарту. Тым больш, што стварэнне такога музея планавалася гадоў пяць-сем таму і былі сабраныя экспанаты для яго.

4. Дэгустацыі прадукцыі сучасных гродзенскіх прадпрыемстваў харчовай прамысловасці для бязвізавых турыстаў.

5. Інтэрактыўную выстаўку тэхнічных «цудаў» для дзяцей. Ніводнай такой выстаўкі ў нашым горадзе няма і дзеці з Гродна наведваюць або Цэнтр Каперніка ў Варшаве або Музей тэхнікі ў Вільні. Між тым зрабіць яе будзе не цяжка.

А як у суседзяў?

Хацелася б, каб улады прыслухаліся да гэтай прапановы. Ніжэй прыводзім некалькі фотаздымкаў з музею тэхнікі ў Вільні. Размешчаны ён у былой віленскай ТЭЦ, якую не ўзарвалі, як у Гродне, а прыстасавалі пад музей. Тут можна пабачыць турбіны электрастанцыі, абсталяванне старых друкарняў, вадаканалу, тэкстыльных фабрык. Можна пабачыць інтэр'ер савецкай кватэры і зробленую ў Савецкай Літве тэхніку — пыласосы, тэлевізары і іншае. Таксама ёсць вялікіая дзіцячая інтэрактыўная прастора.

Чым мы горшыя і чаму ў Гродне ў будынках былой малачарні не можа быць такога музея? А калі бязвізавы турыст зможа там і марозіва нашага з’есці (з сапраўднага малака, а не з вады, як у іншых вытворцаў) і квасу з півам ды каўбаскай выпіць — то і гатовая рэклама нашых прадпрыемстваў будзе. Чаму адразу трэба ЗНЕСЦІ?!

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025