Людзі і справы

Сартуй смецце гуляючы і атрымай падарункі. Выйшла камп’ютарная гульня, якая навучыць сартаваць смецце

Што пакласці ў змешаныя адходы, а што адсартаваць у пластык? Ці любую паперу варта класці ў макулатуру? Колькі прыродных рэсурсаў можа ўратаваць выкарыстанне другаснай сыравіны? На гэтыя ды іншыя птанні дае адказы камп’ютарная гульня «Сартуем смецце з аленем Лявонам». Яе стварылі журналісты Hrodna.life разам з праграмістамі вэб-студыі Іквадарт.

Гульня з’явілася ў сеціве 21 лютага. Зараз кожны ахвотны можа спраўдзіць свае навыкі ў сартаванні смецця і нават атрымаць прызы за лепшыя вынікі.

Як гуляць і ў чым фішка?

Гульня мае знаёмую многім механіку «лінія». Каб адсартаваць смецце для перапрацоўкі, трэба сабраць у вертыкальную ці гарызантальную лінію не менш за тры выявы са смеццем аднаго віду. Гэта не абавязкова маюць быць аднолькавыя малюнкі. Галоўнае, каб такое смецце ішло ў адзін кантэйнер.

Напрыклад, разам можна сабраць розныя віды другаснай паперы.

А ў кантэйнер з для змяшаных ад’ходаў могуць патрапіць разам вельмі непадобныя рэчы.

Што новага я даведаюся?

Тут усё як у рэальным жыцці. Складанасць таксама павышаецца ад узроўня да ўзроўня. Калі на пачатку гульні трэба ўпарадкаваць 4 віды смецця, то напрыканцы іх ужо больш за дзясятак. За кожную адсартаваную «лінію» удзельнік атрымлівае прызавыя балы. У канцы гульні можна падзяліцца вынікам праз сацыяльныя сеткі.

«Падбіраючы розныя малюнкі ў адну лінію, удзельнік задумаецца — ці можна іх выкідаць разам? А нават калі памыліцца, то гульня падкажа і не дасць аб’яднаць тое, што трэба сартаваць асобна. Такім чынам, удзельнікі напрацуюць звычку задумвацца — як правільна адсартаваць рознае смецце. Спадзяемся, што пагуляўшы, яны змогуць перанесці гэты навык у сваё паўсядзённае жыццё», — кажа Ірына Новік, аўтарка ідэі гульні.

Як можна выйграць прызы?

Прызы за найлепшы гульнёвы вынік можна будзе атрымаць, падзяліўшыся вынікам з хэштэгам #сартуемзлявонам і #hrodnalife у сацыяльных сетках VK, OK або Twitter.

Сёлета вясною вынікі падвядзём тройчы:

3 сакавіка, у Сусветны дзень дзікай прыроды (удзельнічаюць вынікі, якія будуць апублікаваныя ў сацсетках ад 21.02 да 02.03)

20 сакавіка — у Дзень Зямлі (вынікі ад 03.03 да 19.03)

30 сакавіка, падчас акцыі Гадзіна Зямлі (вынікі ад 20.03 да 29.03).

Удзельнікі, што набяруць максімальную колькасць балаў, атрымаюць прызы ад Hrodna.life.


Нашчадак аленя Святога Губерта знайшоўся ў Гродне

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025