Таемны госць у гродзенскіх кавярнях: абед у “Рэтра Піца”

“Таемны пасажыр” Hrodna.life наездзіўся, правяраючы таксі, і зараз пачынае тэставаць аб’екты грамадскага харчавання. Спраўджваем якасць, хуткасць, смак, чысціню і іншыя паказчыкі ў кавярнях і рэстаранах. Па аўторках – замаўляем комплексныя абеды.

Для першага тэсту мы абралі адну з самых старых піцэрый у горадзе, якая прапануе наведвальнікам абедзенае меню.

Замову прынялі хутка

У 13:04 таемныя наведвальнікі ўжо былі ў холе кавярні, дзе чакалі калі ім адчыняць гардэроб. Пачакаўшы каля хвіліны, убачылі, што іншыя заходзяць у верхнім адзенні. Як высветлілася, распранацца трэба ў зале, а адзенне вешаць на вешалку.

Людзей у 13 гадзін няшмат.

Таемны госць у гродзенскіх кавярнях: абед у “Рэтра Піца”

У зале нас сустрэў афіцыянт з меню, ён правёў нас да століка. Абедзенае меню стаіць наўпрост на стале. Апроч яго афіцыянт пакінуў тры меню: барнае, меню з піццамі і з іншымі стравамі.

Абеды ў “Рэтра піцы” даюць у буднія з 12:00 да 16:00. У ім 14 пунктаў, восемь з якіх пазначаны зорачкамі. Уверсе меню інфармацыя: *Пры замове трох страў пазначаных зорачкамі пірог “Ароматный” у падарунак.

Таемны госць у гродзенскіх кавярнях: абед у “Рэтра Піца”

Праз 5 хвілін да нас падыйшоў афіцыянт гатовы браць замову. Зрабіўшы замову, мы набралі ажно 5 зорачак – трошкі не дацягнулі да двух пірагоў.

На стале і пад сталом

На стале стаіць соль, перац, дзве шляначкі з нейкімі вадкасцямі, зубачысткі і поўная сурвэтніца.

Таемны госць у гродзенскіх кавярнях: абед у “Рэтра Піца”

А пад сталом некалькі жувальных гумак.

Таемны госць у гродзенскіх кавярнях: абед у “Рэтра Піца”

Праз 3 хвіліны на стале з’явіўся суп, два напоі і сталовыя прыборы.

Таемны госць у гродзенскіх кавярнях: абед у “Рэтра Піца”

Тэмпература супа і ягоны смак парадавалі таемнага госця №1, а вось сурвэтка, у якую былі абгорнутыя сталовыя прыборы, не.

Таемны госць у гродзенскіх кавярнях: абед у “Рэтра Піца”

У дадатак на адным з нажоў былі заўважыны нейкія дзіўныя плямы.

Таемны госць у гродзенскіх кавярнях: абед у “Рэтра Піца”

Астатні посуд і прыборы не выклікалі нараканняў.

Правяраем прыбіральні

Пакуль таемны №1 еў смачны расольнік, таемны госць №2, якому прыйшлося яшчэ 10 хвілін чакаць сваёй замовы, вырашыла праверыць жаночую прыбіральню. Прыбіральня чыстая. Вада цячэ з абодвух кранаў, але напор у адным з іх нават напоўніцу не надта моцны.

Вадкае мыла ёсць, фен для рук ёсць і ён працуе. Папяровых ручнікоў няма. Гарачая вада апынулася халоднай ды і напор у кране быў вельмі слабы.

Грэцкі салат ці агароднінная нарэзка

Салаты і гарачыя стравы прынеслі ў 13:26, то бок праз 14 хвілін з моманту замовы. Да тэмпературы страў пытанняў не было. Але пакуль таемная наведвальніца ела салат, тэмпература пасты значна знізілася.

Таемны госць у гродзенскіх кавярнях: абед у “Рэтра Піца”

Грэцкі салат амаль не адрозніваецца ад звычайнай агародніннай нарэзкі: як і па выгляду, так і па смаку.

Таемны госць у гродзенскіх кавярнях: абед у “Рэтра Піца”

Тым часам наведвальнікаў станавілася больш.

Таемны госць у гродзенскіх кавярнях: абед у “Рэтра Піца”

У перапынку паміж першай і другой стравай мы праверылі мужчынскую прыбіральню.

Таемны госць у гродзенскіх кавярнях: абед у “Рэтра Піца”

Таемны госць у гродзенскіх кавярнях: абед у “Рэтра Піца”

У прыбіральні чыста, туалетная папера і ёршык на сваіх месцах, вадкае мыла таксама, фен для рук працуе, вада цяче. Папяровых ручнікоў няма.

Трошкі плям і павучок

Да чысціні самой залы ўзніклі пытанні. З аднаго боку “падваконніка” можна ўбачыць плямы.

Таемны госць у гродзенскіх кавярнях: абед у “Рэтра Піца”

З іншага, паназіраць за тым як працуе павучок.

Таемны госць у гродзенскіх кавярнях: абед у “Рэтра Піца”

Вынік: 42 хв і 13,14 руб

У 13:41 мы папрасілі нас разлічыць і ўжо праз дзве хвіліны афіцыянт прынёс чэк (з плямай).

Таемны госць у гродзенскіх кавярнях: абед у “Рэтра Піца”

Яшчэ праз 4 хвіліны забраў грошы і літаральна праз хвіліну прынёс рэшту. Праўда, без чэка. Яго прынеслі толькі па нашай просьбе – прыйшлося яшчэ пачакаць.

Увесь абед заняў 42 хвіліны і абышоўся ў 13,14 рублёў.

Таемны госць у гродзенскіх кавярнях: абед у “Рэтра Піца”

Таемны госць у гродзенскіх кавярнях: абед у “Рэтра Піца”

Спытаеце, як “Ароматный” пірог? А ніяк, бо нам яго не прынеслі. Чаму так выйшла, мы не запыталі, бо самі інфармацыю аб “акцыі” ў меню заўважылі толькі калі рыхтавалі матэрыял. Магчыма, проста забыліся, магчыма, палічылі, што дарыць пірог толькі аднаму з двух наведвальнікаў неяк непрыгожа і вырашылі не дарыць зусім.

З кавярні мы выйшлі сытыя, у час адведзенны на абед уклаліся. Сама кавярня з большага не пакінула ніякіх эмоцый. Кошт прымальны, абслугоўваюць хутка, ёсць з чаго выбраць, у тым ліку вегетарыянцам (але гэта не асобнае меню). А вось плямы, павукі і не зусім чысты нож пакінулі асадак.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: