Дадаць навіну
Аўторак, 16 кастрычніка 2018, 20:49

Рэстаран “Бакст” з відам на Нёман і Стары замак адкрыецца ў Гродне

У снежні ў гістарычнай частцы Гродна адкрыецца новы рэстаран з відам на Стары замак і Нёман. Інтэр’ер будзе часткова ўпрыгожаны нацюрмортамі, прысвечанымі Льву Баксту. У гонар 150-годдзя вядомага мастака – ураджэнца Гродна, уладальнік вырашыў назваць рэстаран імем Бакста.

Рэстаран адкрыецца на першым паверсе ў новым будынку, які ўзвялі на вуліцы Замкавай, каля сінагогі і пажарнай каланчы.

“На жаль, мы – гродзенцы – мала ведаем сваю гісторыю, а гэты год асамблея ЮНЭСКА абвясціла годам Бакста. Таму мы палічылі, што наш рестаран павінен насіць імя славутага земляка. Старое месца, побач сінагога і рэстаран “Бакст” у габрэйскім раёне – думаем, будзе многім даспадобы.

Але варта адзначыць, што гэта не ўстанова прысвечаная Баксту, мы не робім музей і не прэтэндуем на гэта. Будзе проста лёгкі нацюрморт, прысвечаны стылю мастака. Галоўнае, каб наведвальнікам было ўтульна, цёпла і цікава”, – распавяла ўладальніца ўстановы Аксана Гуліева.

Вядома, што ў рэстаране будуць падавацца стравы, як агульнаеўрапейскай, так і беларускай, літоўскай ды яўрэйскай кухні. Уладальніца ўстановы абяцае дэмакратычныя цэны, даступнасць кожнаму, а таксама напоі і ежу на вынас.

Вясной рэстаран “Бакст” мае адкрыць веранду з відам на Нёман і Стары замак.

Раім пачытаць

Каментары

comments powered by HyperComments

Spelling error report

The following text will be sent to our editors: