Слойкі з трускаўкамі і садавінай. Просты рэцэпт да Сусветнага дня выпечкі
Пірог з ласосем, слойкі з садавінай ці тварожныя вафлі - давайце адзначым Сусветны дзень выпечкі па-сапраўднаму. Гэта значыць — знойдзем просты рэцэпт, спячом нешта дома і пачастуем родных і сяброў. Сёлета Дзень выпечкі адзначаюць 19 траўня. Выбірайце рэцэпт ад цёці Іры і разам зробім сабе свята!
Складнікі:
Разбіраем брокалі і квяцістую капусту на суквецці. Варым у злёгку падсоленай вадзе 7−10 хвілін. Па гатоўнасці ваду зліваем.
З рыбы выдаляем костачкі, здымаем скурку і рэжам на невялічкія кавалкі па 2−3 см даўжынёй.
Брынзу кроім нажом ці крышым пальцамі.
Гатовае замарожанае цеста пакідаем пры пакаёвай тэмпературы для размарозкі.
Форму для выпечкі засцілаем пергаментам ці фольгай і выкладаем цеста па донцы і сценках. Частку цеста трэба пакінуць, каб закрыць пірог.
Паверх цеста выкладаем у форму спачатку сумесь брокалі з квяцістай капустай, потым слой ласося, потым — слой брынзы. Зверху закрываем апошнім кавалкам цеста і зашчыпваем край. Па версе пірага робім некалькі касых надрэзаў.
Каб дадаць пірагу смаку і водару, прамажам верх жаўтком і пасыплем кунжутам.
Выпякаць у духоўцы пры 180 градусах. На першыя 20 хвілін лепш накрыць форму фольгай. На наступныя 10 мінут фольгу зняць, каб зарумянілася скарынка.
Глядзіце таксама пакрокавы рэцэпт з фота.
Складнікі:
Масла трэба растапіць і дадаць да тварагу. Туды ж убіць яйкі і ўсыпаць цукар і ванілін. Змяшаць блэндарам.
Да мукі дадаць разрыхляльнік. Гэтую сумесь высыпаць у ёмістасць з тварагом. З дапамогай блэндара перамяшаць да аднастайнасці. Цеста мае атрымацца ўмерана густым.
Вафельніцу нагрэць, паверхні змазаць алеем. Выкладваць цеста ў формы і выпякаць па 3−5 хвілін.
Пакуль выпякаюцца вафлі, зоймемся вяршкамі. Іх трэба ўзбіць міксерам да ўстойлівай пены.
Дадаткам да вафель з узбітымі вяршкамі будзе любая садавіна, ягады ці сочыва.
Глядзіце таксама пакрокавы рэцэпт прыгатавання тварожных вафель з фота.
Складнікі:
Цеста раскласці пластамі і даць размарозіцца. Парэзаць на квадраты. На кожным квадраце зрабіць надрэзы ўздоўж кожнага бока на адлегласці 1 см ад краю. У двух кутах па дыяганалі не даразаць да канца па 0,5 см. Скласці надрэзаныя палосы дыяганальна.
Бляху засцяліць пякарскай паперай. Пакласці слойкі. У кожную ўсыпаць троху крухмалу і цукру. Крухмал патрэбны, каб сок з трускалак не размачыў цеста. Калі начынне будзе не з такіх сакавітых ягад, можна абысціся без крухмалу.
Жаўток узбіваем венчыкам да аднароднасці. Змазваем верхні слой цеста.
Выпякаем слойкі пры тэмпературы 160−180 градусаў, 20−30 хвілін, у залежнасці ад духоўкі.
Пакуль слойкі пякуцца, падрыхтуем садавіну. Ківі ачысцім і парэжам паўколцамі. Апельсін — на сегменты.
Гатовыя слойкі выкладзем на талерку і ўпрыгожым кавалачкамі апельсіна і ківі. Можна падаваць.
Глядзіце пакрокавы рэцэпт слоек з фота.
Чытайце таксама:
Беларускаму пісьменніку Васілю Быкаву 19 чэрвеня 2024 года магло б споўніцца 100 гадоў. Да юбілею…
Дзе ў Гродне студэнты слухалі Быкава? У якой кнігарні прадавалі “вершы пісьменніка”? Да 100-годдзя Васіля…
Музеі Гродна не абмяжоўваюцца толькі самымі вядомымі: Старым і Новым замкамі ды Музеем гісторыі рэлігіі.…
Гродзенскі паэт і бард Аляксандр Слашчоў 20 гадоў таму перамог на фестывалі "Зялёны Гран-Пры". Сёлета…
Гістарычны канал Hrodna 11:27 працягвае расказваць, што можна даведацца са старонак старых выпускаў газеты „Echa Grodzieńskie”.…
Адна чорная кава ў аднаразовым кубку мае вугляродны след 570 грам у CO2 эквіваленце, а…