Фота: прэс-служба прэзідэнта
Аляксандр Лукашэнка 4 жніўня ў Палацы Рэспублікі выступіў з пасланнем да народа і Нацыянальнага сходу. На мерапрыемства былі запрошаныя каля 2,5 тысячы чалавек. Ён распавёў пра пандэмію, выбары, эканоміку, асноўныя мэты і «ліхія 90-я». Карэспандэнт Hrodna.Life уважліва паслухаў трансляцыю прамовы прэзідэнта і выбраў 10 самых важных выказванняў.
Выступ Аляксандр Лукашэнка пачаў з расповяду пра падзеі 2020 года і сітуацыю ў свеце. «2020-ы з самага пачатку стаўся напоўненым шэрагам падзей. Яны даюць нам падставу заявіць пра безальтэрнатыўную ролю моцнай дзяржавы ў жыцці нацыі», — цытуе Лукашэнку яго прэс-служба. Паводле яго слоў, ні адна з найважнейшых міжнародных праблем не была вырашана. «Сотні тысяч жыццяў па ўсёй планеце забрала пандэмія, абваліліся цэны на нафту, вярнуўся глабальны эканамічны крызіс, свет накрыла хваля пратэстаў і ўзброеных канфліктаў, Еўрасаюз затрашчаў па швах. І гэта толькі пачатак».
«Увесь свет пагрузіўся ў хаос. Планета паступова, але ўпэўнена скочваецца ў прорву». Ён назваў Беларусь адзінай спакойнай тэрыторыяй.
«Сёння на разрыў. І Расія баіцца нас страціць: акрамя нас у яе не засталося па-сапраўднаму блізкіх саюзнікаў. І Захад у апошні час стаў праяўляць да нас усё больш прадметную цікавасць. Ды і Кітай сур’ёзна разлічвае на стабільнасць свайго сябра». Лукашэнка падкрэсліў: «Мы — за шматвектарнасць», дадаўшы, што Расія была, ёсць і будзе найбліжэйшым саюзнікам. «Брацкія адносіны яна памяняла на партнёрскія — дарэмна».
«Мы сталі донарам бяспекі для нашага еўрапейскага дома». Лукашэнка згадаў, што ў першыя месяцы вайны ва Украіне беларусы «далі прытулак у сябе каля 150 тысяч ўкраінскіх грамадзян».
«Вынікі бягучага перыяду паказалі, што высокая знешняя залежнасць ад адной-дзвюх краін ставіць нас у слабае становішча, калі не сказаць больш», — адзначаў ён пазней.
Паводле слоў Лукашэнкі, пандэмія стала праверкай, і Беларусь «вытрымала экзамен». «У шпіталях не сартавалі хворых як на фронце: маладзейшы, мацней — жыць будзе, будзем лячыць». Прэзідэнт адзначыў правільнасць «асаблівага шляху» Беларусі ў барацьбе з каранавірусам. «Шаблоныя для ўсіх краін рэкамендацыі Сусветнай арганізацыі аховы здароўя — неадкладны каранцін, каменданцкую гадзіну, закрыццё межаў, спыненне прадпрыемстваў - як вы разумееце ўжо сёння, на гэта я пайсці не мог». Ён адзначыў, што ўдалося выратаваць і людзей з дамоў састарэлых, правёўшы паралель з іншымі краінамі: «Вы ж бачыце — на Захадзе, пакуль прыедуць лекары, няма ні аднаго жывога чалавека ў доме састарэлых».
Падрабязны расповяд пра барацьбу Беларусі з каранавірусам ён рэзюмаваў тым, што «не варта капіяваць чужыя рэцэпты» і трэба давяраць лекарам і спецыялістам.
«Трэба давяраць уладзе — калі вы яе абралі».
«Свежае паветра і заняткі спортам! Будзеце сядзець дома — будзеце хварэць заўсёды».
Лукашэнка даручыў Ураду і Нацыянальнаму банку накіраваць усе рэсурсы ў рэальны сектар эканомікі. «Крызіс — гэта не толькі бяда, але і час вялікіх магчымасцяў. Эпідэмія агаліла рынкі - і з’явілася перспектыва па шматлікіх таварах заняць новыя нішы».
«Мэта адна — выратаваць краіну, захаваць працоўныя месцы, не страціўшы даходы. Скажу прама: не да раскошы». Ён заявіў, што лібэральная эканамічная мадэль не справіцца з рэцэсіяй. «Нават у супердэмакратычнай Амерыцы прэзідэнт на працягу сутак давёў прамую дзяржзамову да прыватных кампаній, калі гэта было неабходна, і пляваць на ўсе рынкавыя адносіны».
У прамове Лукашэнка паўтарыў некаторыя пункты сваёй перадвыбарчай праграмы: пра рост заробкаў, стварэнне новай інфраструктуры паставак нафты і газу, завяршэнне мадэрнізацыі вёскі, новыя прадпрыемствы.
«У будучай пяцігодцы сярэдняя зарплата ў Беларусі вырасце толькі ў два разы», - паабяцаў Лукашэнка. «Сярэдні памер пенсіі па ўзросце будзе падтрымлівацца на ўзроўні 40% ад сярэдняй зарплаты па краіне». Для гэтага ён прапанаваў больш актыўна ўкараняць сістэму сацыяльных назапашванняў.
«Каб рост пенсій стабільна перавышаў рост коштаў».
«На нас вырашылі адпрацаваць каляровыя рэвалюцыі з улікам новых тэхналогій», — перакананы Лукашэнка.
«Знайшлі гэтых трох няшчасных дзяўчынак [пра аб’яднаны штаб Ціханоўскай- заўв. Hrodna.life], што вы ім пішаце! Яны ж не разумеюць, што кажуць, і што робяць. Але мы ж бачым, хто за імі стаіць».
Лукашэнка лічыць, што паўторныя выбары немагчымыя. «Правядзем» нячэсныя выбары «, выпусцім зэкаў, правядзем» чэсныя выбары ««.
«Ну вы ж ім хоць падкажыце, што не прэзідэнт у Беларусі прызначае выбары. Што беларускі парламент не щвядзе краіну ў шэраг перадвыбарчых кампаній і не назначыць чарговыя выбары».
Лукашэнка параўнаў заклік вярнуць Канстытуцыю 1994 года з вяртаннем да «лихих 90-х». «Вярнуўшы Канстытуцыю 1994 года, мы адродзім безуладдзе, абязлічым адказнасць кадраў. Тым, хто стаіць за гэтымі заявамі, патрэбна блытаніна ў краіне, каб „распілаваць“, парэзаць дзяржуласнасць, дзяржаўныя прадпрыемствы і „прыхватызаваць“, як раней казалі, іх. Увесці прыватную ўласнасць на зямлю і пазбавіць народ таго, на чым ён стаяў, стаіць заўсёды і стаяць будзе». Таму «ніякага перадзелу ўласнасці не будзе».
«Мы ніколі не пойдзем на прыватызацыю зямель сельгаспрызначэння. У гэтым проста няма ніякай неабходнасці. Любому ахвотнаму прапануецца арэнда. Ідзі і працуй. А рэзаць зямлю на кавалкі і раздаваць асобным дзялкам за бесцань ніхто не дасць».
Ён падкрэсліў, што нездарма ў народзе кажуць: «Не прывядзі бог жыць у перыяд рэформаў і пераменаў». Шлях «разбурыць дашчэнту, а затым…» — не наш шлях". Прыватызацыю ён называў «прыхватызацыяй» і зноў адсылаў да 90-х.
«Не вазьмі мы пад кантроль цэны, нашы гандлёвыя працаўнікі напакавалі бы тоўстыя кішэні». Ён прапанаваў раз і назаўсёды вызначыць спіс сацыяльна значных тавараў, цэны на якія хвалююць насельніцтва.
«Тыя, хто ў ланцужку, і тыя „брыдкія нягоднікі“ амапаўцы — усе яны нашы дзеці», — сказаў Лукашэнка. Ён перакананы, што моладзь трэба зберагчы ад неабдуманых учынкаў.
«Можна было сёння наогул ні пра што не казаць — сказаць толькі пра адукацыю. Неадукаваны чалавек — страшны чалавек у будучыні. Мы з вамі ў гэтым жыцці хутка пераканаемся. Толькі адукаваны чалавек, які сябруе з мазгамі, зможа, раскінуўшы імі, ацаніць і зразумець, што адбываецца ў гэтым свеце».
«Усіх астатніх, хто не ўмее думаць, хто думае айфонам або тэлефонам, будуць рэзаць, будуць дзяўбці».
Лукашэнка падкрэсліў, што свет увайшоў у эпоху гібрыдных войнаў і каляровых рэвалюцый, і менавіта ў інфармацыйным полі праходзяць усе бітвы. Прэзідэнт лічыць, што сучасная інфармацыйная зброя працуе з падсвядомасцю.
Паводле Лукашэнкі, у апошнія месяцы беларускія сацсеткі і телеграм-каналы «напоўніліся лухтой, брудам».
«Людзі страцілі ўсякае сумленне. Я ўжо не кажу пра тых, каго выгадаваў на ўласных руках, ад уласнай грудзяў. Але вы паглядзіце на нашых „творцаў“ — яны ж учора кланяліся, выгіналіся, радаваліся, спявалі, скакалі. Што з імі здарылася літаральна за суткі?».
Ён сказаў, што любіць розныя пункты гледжання, але «здрада не даруецца нават на нябёсах». «Калі вы няздольныя або да чагосьці не гатовыя — сыдзіце ў бок. Не замінайце, не блытайцеся пад нагамі, дайце выратаваць краіну. Праз год-два мы ўстаканім гэтую сітуацыю і зробім так, як трэба беларускаму народу».
Паводле яго слоў, усе рэформы павінны пачынацца з канстытуцыі, і «вяртанне 1994-га — поўны абсурд». «Канстытуцыя павінна стаць дарожнай картай для краіны». Лукашэнка паабяцаў, што цяперашні склад урада яе распрацуе. «Канстытуцыя не павінна правакаваць палітычны крызіс, выклікаць параліч кіраўніцкай сістэмы, як гэта было ў сярэдзіне 90-х».
Лукашэнка прызнаў, што цяпер па Канстытуцыі прэзідэнт мае каласальныя паўнамоцтвы. «Заўтра прыйдзе новы чалавек пры гэтай Канстытуцыі, вы яго ўтрымаеце ад абвальнай прыватызацыі, ад таго, што ён сапхне краіну налева або направа? Сёння ўжо ўтрымаеце і без мяне».
У час прамовы прэзідэнт некалькі разоў вяртаўся да ўспамінаў пра 90-я. Ён падрабязна распавёў пра банды, якіх у Мінску было 32. «Вы хочаце ў 90-я? Каб краіну падзялілі на сектары і збіралі даніну? Я гэтага не хачу і пры мне гэтага не будзе. Не будзе пакуль я жывы, а не толькі пакуль я прэзідэнт. Я гэта ўсё на сваіх плячах выцягнуў. Сёння засталіся сам Шэйман і яшчэ пару чалавек, якія з пісталетамі хадзілі, ездзілі, знішчаючы падонкаў «.
«Беларусь наша, яна любімая, а любімую не аддаюць», — такімі словамі Лукашэнка завяршыў сваю прамову. Апладысменты доўжыліся каля трох хвілін.
На мерапрыемства было запрошана больш за 2,5 тысячы чалавек. Прысутнічалі дэпутаты Палаты прадстаўнікоў і члены Савета Рэспублікі, вышэйшыя службовыя асобы краіны, члены ўрада, кіраўнікі органаў дзяржкіравання, мясцовых органаў улады, піша БелТА. Таксама былі запрошаны парламентарыі мінулых скліканняў, прадстаўнікі грамадскіх аб’яднанняў, рэлігійных канфесій, дыпламатычнага корпуса і міжнародных арганізацый, кіраўнікі банкаў, вышэйшых навучальных устаноў, СМІ, эксперты.
Лічыцца, што складана выбраць падарунак менавіта мужчыну - мужу, сыну, бацьку, партнёру ці сябру. Сітуацыя…
Беларус Алекс Вазнясенскі наведаў Навагрудак як турыст. Мужчыну ўразіла, што горад з багатай гісторыяй знаходзіцца…
Рэстаране-кафэ “Нёманская віціна” ў выглядзе ладдзі - частка канцэпцыі новай гродзенскай набярэжнай, якую абмеркавалі ў…
Аляксей Кажэнаў з'ехаў з Мінску ў 1998-м годзе. Ён атрымаў працу ў Google, стаў дыяканам…
Слэнг пастаянна змяняецца - у апошні час пад ўплывам TikTok. Зразумець яго адразу і ўвесь …
Кожны месяц 22 тоны кававага зерня выязджаюць з Гродна, каб патрапіць на запраўкі па ўсёй…