Горад

Польскія велатурысты ў бязвізавым Гродне: «Людзі ветлівыя і горад прыгожы, але для велааматараў непрыстасаваны»

Група польскіх велааматараў з Гданьска і Мальбарка ў канцы красавіка наведала Гродна па бязвізавым рэжыме. Турысты засталіся задаволеныя знаёмствам з Беларуссю і каралеўскім горадам, але таксама адзначылі яго недахопы і параілі больш працаваць над рэкламай і велаiнфаструктурай.

Група прыехала да Кузніцы на машынах, там на роварах пераадолелі мяжу ды адправіліся ў Гродна і наваколлі.

Старэйшы ў групе Адам Мішк, быў у Гродне ў 2016 годзе па візе. У гэтым годзе ён вырашыў сабраць сваіх сяброў і апрабаваць новы бязвізавы рэжым.

«Добра, што зрабілі бязвізавы ўезд. У вашым рэгіёне ёсць на што паглядзець. Тым больш у Беларусi з Польшчай агульная гісторыя. Уся паездка ў нас займае пяць дзён. Мы заехалі праз Кузнiцу, а будзем выязджаць праз Прывалку — у Літву. У Гродне мы ўбачылі замкі, храмы, наведалі іншыя славутасці, а таксама пабывалі на старых каталіцкіх могілках. Горад вельмі спадабаўся, асабліва людзі сваёй ветлівасцю. Як убачаць сцягі польскія на роварах — падыходзяць паразмаўляць. Прыемна».

Велатурысты каля помніка пісьменніцы Элізы Ажэшкі
Жылі палякі ў Гродне ў здымных кватэрах. У дзень на аднаго выходзіла 25 долараў. Есці хадзілі ў розныя ўстановы горада: спадабаліся чабурэкі ў цэнтры. Таксама яны шукалі бюджэтныя сталовыя, пра якія чулі, але ў выходныя яны былі зачыненыя.

«Ёсць адна праблема ў Гродне — вельмі мала інфармацыі для турыстаў. Мы ехалі на роварах і ўказальнікі ў асноўным на рускай або беларускай мовах. Мы вучылі ў школе трохі рускую, але ўжо яе не памятаем.

Яшчэ нам патрэбна была добрая карта Гродна на польскай мове, дзе было б усё распісана: славутасці, дзе паесці, лазні і г. д. I яшчэ Гродна не прыстасаваны да велатурыстаў, бо вельмі мала веладарожак і ёсць вельмі высокія бардзюры — над гэтым трэба працаваць. У Польшчы таксама не ўсё адразу было. Хочацца верыць, што гэта ўсё паступова прыйдзе і ў Гродна", — дадаў Адам.

На гродзенскіх пешаходных пераходах велатурысты спешваюцца. У Польшчы часта побач з пешаходнымі пераходамі ладзяць пераезды для раварыстаў, на якіх спешвацца не трэба.
Група велатурыстаў упэўненая, што гэта не апошняя іх паездка іх у Беларусь. Дома пра сваё падарожжа яны плануюць распавесці сябрам і калегам. Палякі адзначылі, што калі бязвізавы ўезд у Гродна будзе і далей дзейнічаць, то плынь турыстаў горад будзе павялічвацца, асабліва з Польшчы.

Падзяліцца

Апошнія запісы

З адной бярозы — да 200 літраў. Як беларусам здабыць бярозавы сок на радзіме і ў эміграцыі

Здабываць бярозавы сок вясной — беларуская традыцыя, у кожным лясніцтве яго можна купіць за капейкі.…

3 красавіка 2025

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025