Горад

«Мяжа пустая». Першая за некалькі месяцаў група замежных турыстаў прыехала ў Гродна

Група турыстаў з Польшчы прыехала ў Гродна 10 ліпеня. Гэта першыя замежнікі, якія наведалі наш горад арганізаванай групай, пасля паслаблення каранцінных абмежаванняў у краінах Еўрасаюза.

Турысты сабраліся ў Аўгустове (Польшча). Адтуль яны выехалі ў Гродна на дзень: увечары таго ж дня яны вернуцца ў Аўгустоў.

«Гэта першая вялікая група замежнікаў пасля пандэміі, — распавядае гродзенскі экскурсавод Ігар Чарнякевіч. — Паціху ўсё будзе аднаўляцца і да нас паедуць замежнікі, але такога патоку, як у мінулым годзе, вядома, яшчэ не будзе. Гэта нармальная сітуацыя, калі Еўропа ператвараецца ў адзін вялікі закрыты шпіталь, і людзі не вытрымліваюць і пачынаюць павольна пакідаць яго».

Экскурсавод Ігар Чарнякевіч распавядае турыстам пра Фарны касцёл

Попыт на паездкі ў Гродна ёсць

Арганізавала паездку ў Гродна Эмілія Фашча з Аўгустова. Яна возіць турыстаў па беларускім памежжы ўжо некалькі гадоў.

«Я закахана ў Гродна і з задавальненнем сюды заўсёды прыязджаю. Нам — палякам — тут камфортна, асабліва калі зрабілі бязвізавы рэжым. Хутка аформілі ваўчар і можна ехаць. Так, каранавірус прымусіў нас сядзець дома, але самае страшнае мы ўжо перажылі. Цяпер трэба вяртацца да звыклага жыцця, пры гэтым быць асцярожнымі, інакш у дэпрэсію патрапіш. Попыт на паездкі ў Гродне ёсць, але пакуль няма такога, як гэта было да пандэміі. Мяжа зараз пустая, нікога няма. Памежнікі сказалі, што мы першыя едзем групай. Мы хацелі яшчэ ў Друскенікі заехаць, але Літва не пускае. Таму абмежаваліся пакуль паездкай у Гродна», — распавяла Эмілія.

Чытайце таксама: В Гродно, несмотря на эпидемию, появились туристы. Кто они?

Сям’я Цыганік у Гродне ўпершыню. Вальдамар і Крысціна вырашыліся на паездку ў Беларусь ужо на адпачынку ў Аўгустове. Самі яны з Кракава.

«Мы думаем, пандэмія будзе яшчэ доўга, нельга пастаянна чагосьці чакаць — трэба працягваць жыць. Ад Гродна пад уражаннем: у яго багатая гісторыя, захавалася шмат старых будынкаў».

Вальдэмар і Крысціна Цыганік

З 10 лістапада 2019 года на тэрыторыі Брэсцкай і Гродзенскай абласцей працуе адзіны бязвізавы рэжым для замежных турыстаў. Знаходзіцца на гэтай тэрыторыі замежнікі могуць да 15 сутак. Таксама для грамадзян больш за 80 дзяржаў захоўваецца 30-дзённы бязвіз пры ўмове прыбыцця і адбыцця праз Нацыянальны аэрапорт «Мінск».

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025