Бар "Absolem". Фота: установы
З 1 верасня 2021 года ў Гродне стала больш на чатыры бары, адну піцэрыю, два кафэ і адзін рэстаран. Пры гэтым былі і закрыцці: напрыклад, бара «Пьяная вишня» і піцэрыі «Papa John’s». Рэдакцыя Hrodna.life паглядзела, якія ўстановы адкрыліся, якія закрыліся, і якіх адкрыццяў неўзабаве чакаць.
У Гродне каля ўніверсама «Брэст» на праспекце Янкі Купалы з’явілася новая піцэрыя-павільён «Pizzabox». Гатуюць там толькі навынас. Кропку адкрыў гаспадар піцатрака, які працуе ў Путрышках пад Гроднам.
Новая ўстанова адкрылася на месцы бара «Lunatic» у лістападзе 2021 года. Мяркуючы па Instagram, стаўку зрабілі на кактэйлі і DJ-вечарынкі. У афармленні выкарыстоўвалі элементы з кнігі «Аліса ў краіне цудаў». Таксама тут праводзяць трансляцыі матчаў: напрыклад, па Dota 2.
У верасні 2021 года з’явіўся яшчэ адзін пункт на Маставой, 31 — бар «Podval». Гродзенцам ён запомніцца рэйвамі (там праходзіць «Аб’ект»), музычнымі мерапрыемствамі і шэрагамі слоікаў з закаткамі на паліцах. З выпіўкі - «моцнае і не зусім», абяцаюць яны ў Instagram. Праўда, часам на чатырох кранах можа быць адно піва — і тое на аматара.
Установа адкрылася ў канцы сакавіка. Меню ў Instagram пакуль няма. Затое ўладальнікі шмат распавядалі пра інтэр'ер. Напрыклад, барную плітку яны самі намалявалі і замовілі па эскізах. А венскія крэслы рэстаўравалі самастойна!
У кастрычніку мінулага года на Замкавай, 11 — на месцы ўстаноў «Pizza&Coffee» і «Старлайт» — адкрыўся кальян-бар «Loft». Бар аформлены ў цёмных танах, на некалькіх сценах тынкоўка збітая да цэглы. «Сёння мы прапануем кальяны, гарачыя напоі (чай, кава), аўтарскія кактэйлі, добрую кухню, пераважна пабудаваную на гарачых, халодных закусках, а таксама ролах», — расказалі ўладальнікі Hrodna.life.
Бар адкрыўся у сакавіку 2022 года. У меню закускі: хамон, прашута, кулатэла, аліўкі, хлеб, арэхі, варэнне і садавіна. Шмат сыру: цвёрды, паўцвёрды, з цвіллю, — трэба ісці, пакуль пастаўкі не забаранілі санкцыі. Таксама ёсць дэсерты.
Кавай і півам сыты не будзеш. У будаўнічым гіпермаркеце «Материк» 23 снежня адкрылі міні-сталовую «Забава». Гэта ўжо чацвёртая ў горадзе кропка ад прадпрыемства «АзотСэрвіс». Асаблівасць новай «Забавы» ў тым, што тут можна не толькі набыць кандытарскія вырабы і паўфабрыкаты, а яшчэ і паабедаць.
Яшчэ адна кропка сеткі з’явілася на трэцім паверсе гандлёва-забаўляльнага комплексу «Trinity» у цэнтры фуд-корта. Дарэчы, Гродна стаў першым абласным цэнтрам Беларусі, дзе працуюць два рэстараны McDonalds, паведамляе obzoor.by.
Ва ўстанове абяцаюць уласцівую панк-стылю сумленнасць і свабоду ад стэрэатыпаў, а таксама шчодрасць і прастасць паназіяцкай кухні. У бары будзе пераважаць моцны алкаголь, кактэйлі і безалкагольныя напоі ў паназіяцкім стылі. Бар пачне працаваць у тэставым рэжыме ўжо ў сярэдзіне красавіка.
Яно зойме сваё месца на Маставой, 31. Адкрыюць яе ўладальнікі кафэ «Джезва».
На месцы закрытага кафэ «Веранда» на Падольнай у Гродне з’явіцца кафэ «Шервуд». У планах — міжземнаморская кухня ад шэф-кухароў, якія адзначыліся ў лепшых рэстаранах Балтыі («Laivas»), Мінска («Maslow6», «Pinky Bandinsky», «Mona», «The View») і мішленаўскіх зорках Іспаніі («El celler de can roca», «MANAIRO»), паведамляе s13.ru.
Установа адкрыецца на месцы былога «Семофора» і «Пельменной». Інтэр'ер цалкам абновяць. Назву рэстаран атрымаў ад прозвішча свайго ўладальніка — Віктара Ларыёнава. У задумцы ў бізнэсмэна — аб’яднаць стравы некалькіх нацыянальных кухняў. У памяць аб папярэдніх установах у меню пакінуць пельмені і хінкалі, паведамляў «Вечерний Гродно». Адкрыць яго збіраліся яшчэ да канца 2021 года, але, мабыць, нешта пайшло не так.
«У цэнтры нашага любімага горада хутка расчыніць свае дзверы лаундж бар SOHO», — лаканічна аб’явілі уладальнікі. Падобна на тое, што бар зойме месца «Фудмаркета» у будынку гандлёвага дома «Нёман», які закрыўся ў верасні 2021-га.
Сушы-бар франшызы «Капібара» адкрыюць у Гродне на праспекце Касманаўтаў, 35. Зараз у памяшканні ідзе рамонт і падрыхтоўка да адкрыцця. У меню сэты, ролы, сушы і салаты са свежых прадуктаў. Кухары гатуюць на адкрытай кухні: кліенты могуць бачыць увесь працэс.
Адзіная ў Гродне піцэрыя сеткі на Карла Маркса, 24 спыніць працу 30 сакавіка. Інфармацыя пра гэта з’явілася ў Instagram Papa John’s. Піцэрыя прапрацавала ў Гродне крыху больш за тры гады. Зараз у асартыменце ўстановы — 37 піцаў. На Google.com наведвальнікі пакінулі 784 водгукі, рэйтынг установы — 4,2.
Гродзенскі бар «На проводе» на вуліцы Тэлеграфнай закрыўся 10 верасня 2021 года пасля года працы. Прычыны: эканамічная сітуацыя, нерэнтабельнасць і непраходнае месца, расказаў Hrodna. life уладальнік бара Алег Ёрш.
Пасля двух гадоў працы ў лістападзе 2021-га зачынілася кавярня «Атмосфера».
«Усё добрае калі-небудзь сканчаецца і праект „Атмосфера“ не выключэнне. Мы ўдзячныя кожнаму госцю і кожнаму супрацоўніку, якія стваралі тую самую непаўторную атмасферу. Гэта былі выдатныя і насычаныя два гады. Мы не хочам сыходзіць па-англійску і ўжо цяпер паведамляем, што ў хуткім часе атмасфера закрываецца», — паведамілі ўладальнікі ў Instagram.
Яна змяшчала чатыры канцэпцыі. Тут можна было выпіць кавы, забегчы на бізнес-ланч, купіць пасту і хлеб з сабой, замовіць піцу або паесці хатніх катлет. Але праз некалькі месяцаў працы бізнес закрыўся.
Ён працаваў у рэдкім для Гродна фармаце монабара крыху больш за год. Там можна было пакаштаваць чатыры варыянты аднаго напою — газаваны, моцны, класічны і гарачы. У сакавіку ў бары аб’явілі аб закрыцці. Цяпер па вішнёвыя настойкі прыйдзецца ехаць у Мінск.
Ва ўстанове абяцалі сучасную беларускую кухню з еўрапейскім афармленнем. А яшчэ тут можна было паснедаць з 8.00! Але апошнія некалькі тыдняў на дзвярах гастрабара вісіць аб’ява «Закрыто». Instagram ўстановы не абнаўляўся са снежня 2021 года. Тэлефоны ўладальніка рэстарана і пазначаныя на сайце для замовы століка — недаступныя.
Чытайце таксама:
“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…
З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…
Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…
Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…
«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…
У пошуках лепшага жыцця тысячы людзей выязджалі з беларускіх зямель больш за сто год таму.…