Карыснае

Маска. Як зрабіць самастойна ці набыць у Гродне

У час пандэміі на вуліцах з’яўляецца ўсё больш людзей у масках. Іх носяць, каб абараніць сябе ад заражэння небяспечным вірусам, альбо не заразіць іншых. Набыць маскі ў аптэках зараз складана. Нrodna.life расказвае, як пашыць шматразовую маску са зменным фільтрам самастойна ці набыць у майстроў-рамеснікаў.

1. Неабходныя матэрыялы і інструменты

Невялікія кавалкі тканіны,
два кавалкі эластычнай гумкі даўжынёй па 15 сантыметраў,
нажніцы, партноўскія шпількі,
швейныя ніткі, голка, прас,
швейная машынка. Калі няма швейнай машынкі ўсе тэхналагічныя вузлы можна сшыць уручную.

2. Як выбраць тканіну

Пажадана выкарыстоўваць натуральныя і тонкія тканіны, каб твар не пацеў. Лепш шыць маску з лёну ці баваўнянай тканіны. Можна выкарыстаць два спалучальных колеры, для большай прыгажосці.

3. Дзе шукаць тканіну

Набыць тканіну ў Гродне можна у гандлёвым доме «Неман», у доме рукадзелля «Златоручка», у краме «Портновское дело», у краме-атэлье «Евдокия», у краме «Хобби». Таксама можна набыць тканіну ў інтэрнэт-крамах.

4. Кроім дэталі

Каб пашыць шматразовую маску са зменным фільтрам самастойна, трэба раскласці лякалы з паперы на тканіну згодна з накірункам ніці асновы і выразаць неабходную колькасць дэталяў:

  • асноўная дэталь — 3 штукі (2 з іх можна другога колеру);
  • падкладка — 2 штукі;
  • абтачка, выкраеная пад вуглом 45° - 2 штукі;
  • эластычная гумка даўжынёй 15 см. — 2 штукі;

Умоўныя абазначэнні на лякалах:

н.а. — накірунак ніці асновы.

5. Збіраем і злучаем дэталі

Паслядоўна збіраем дэталі і выконваем паслядоўнасць тэхналагічных аперацый згодна з фотаздымкамі:

6. Правілы карыстанны маскай

Шматразовую маску, таксама як і аднаразовую, патрэбна мяняць кожные 2 гадзіны. Калі маска з фільтрам, то пасля кожнага выкарыстання фільтр патрэбна выкідваць. Шматразовыя маскі трэба праць у гарачай вадзе, а затым прасаваць.

7. Мыем рукі!

Перад тым як надзець маску, неабходна прадэзінфікаваць рукі спіртазмяшчальным антысептыкам або памыць іх з мылам. Маска павінна закрываць нос, рот і шчыльна прылягаць да твару.

8. Калі шыць, то не адну

Калі вы плануеце насіць маску больш 2 гадзін, пажадана зрабіць не адну маску. Лепш сшыць адразу 5−6 штук ці нават больш. Зараз шматразовая маска — добры падарунак для блізкіх і сяброў.

9. Дзе купіць, калі няма магчымасці пашыць

На выпадак, калі ў аптэках маскі скончыліся, а самому шыць няма жадання, маску можна набыць. Прадаюцца маскі ў Гродне у наступных крамах: «Світанак», «Mark Formelle», «Conte‎», «Макей», ТЦ «Неман», ТЦ «Old city», «Адметнасць».

Таксама шыюць маскі на продаж індывідуальныя прадпрымальнікі і рамеснікі. Іх можна заказаць праз сацыяльныя сеткі з дастаўкай.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025