Спадчына

«Карты падарыў бацьку Аляксандр Лапін». Унікальную прадукцыю гродзенскай фабрыкі перадалі стваральнікам сучасных карт

Арыгінальную калоду ў фірмовай каробцы перадаў творчай групе А4 гродзенец Аляксандр Мілінкевіч за некалькі дзён да прэзентацыі адроджаных карт Лапіных. Карты былі выдадзеныя ў міжваенны час на фабрыцы Лапіных. Калоду бацькам Мілінкевіча падарылі самі ўласнікі фабрыкі.

Жылі ў адным доме

Да 1941 года бацькі Аляксандра Мілінкевіча жылі ў Гродне ў адным доме з Лапінымі - на вуліцы Цаглянай, 10. Сем'і сябравалі і ў цяжкі час дапамагалі адна адной.

«Лапiны жылi на другiм паверсе, мы — на першым. Гэты дом на вуліцы Цаглянай i cёння стаiць на сваiм месцы, у iм пасля вайны нарадзiўся i я, — распавядае Аляксандр Мiлiнкевiч. — Бацька i матуля з суседзямi сябравалi. Хоць Лапiны былі фабрыкантамі, aле жылi aдносна cцiпла, былi прыязнымi, адкрытымi i вельмi дабразычлiвымi».

Дапамагалі Лапіным у час вайны

Карты, якiя Аляксандр перадаў для прэзентацыi — падарунак ад Аляксандра Лапiна яго бацьку-настаўнiку. Падчас вайны, калi cям’я Лапiных трапiла ў гета, маці Аляксандра — Марыя Баран з Мiлiнкевiчаў - некалькi разоў на тыдзень ноччу пераходзiла праз Гараднiчанку i прызначыны час праз плот перадавала ежу Лапiным. Рызыка была смяротнае: за парушэнне камендацкага часу і пранос харчавання маглі расстраляць.

«Адзiн раз у момант перадачы мацi адчула, што штосьцi яе ткнула ў спiну. Гэта быу aўтамат жаўнера. Яна была гатовая да найгоршага, але ахоўнiк мoўчкi некалькi iмгненняў глядзеу на матулю, потым апусцiў вочы i штосьцi cказаў, але не па-нямецку, магчыма, ён быу iтальянец, i паказаў ей, каб яна зышла. Пасля мама жартавала: „Я прыгожая, можа спадабалася, таму i пашкадаваў“. Але пасля таго выпадку пасма валасоў на яе галаве стала зусiм сiвым. Ёй было тады 33 гады».

Калода, якая захоўваецца ў Аляксандра Мілінкевіча, складаецца з 54 карт. У асноўным такімі картамі гулялі ў покер.

Памяць пра сяброўства

Жахі вайны Лапіны не перажылі. Браты Аляксандр і Абраам, а таксама сястра Кейла, загінулі. Сёння ў сям'і Аляксандра Мілінкевіча старая калода карт, падораная адным з уладальнікаў фабрыкі, з’яўляецца напамінам пра сяброўства дзвюх гродзенскіх сем’яў.

У Францыі жыве праўнук сястры братоў Лапіных Андрэй Гурэвіч. Плануецца, што яму аднаму з першых перададуць калоду новых карт.

Каробку раней не маглі знайсці

«Калода, якую нам перадаў Аляксандр Мілінкевіч, сапраўды ўнікальная. Яе трымаў у руках адзін з уладальнікаў фабрыкі. Для нас, хто адраджае іх прадукцыю, вельмі важна адчуць тую энергетку, а таксама ўбачыць арыгінал з каробкай, — распавядае Антон Янкоўскі, які разам з сябрамі аднавіў адну з калод Лапіных. — Карты, якія нам перадалі, трохі іншыя і адрозніваюцца ад нашых. На фабрыцы Лапіных выпускалася некалькі відаў ігральных карт. Таксама нас цікавіла каробка, бо раней мы не маглі яе знайсці. Сваю каробку мы стваралі самі, пры гэтым мы глядзелі на іншыя прадукцыі выпушчаныя ў Еўропе ў тыя гады. Як аказалася, мы не моцна пралiчылiся. Па колеры і кампазіцыі каробкі вельмі падобныя».

Антон Янкоўскі трымае калоду карт, якую ўдалося стварыць у 2017 годзе, і калоду даваенных карт, якую выпусцілі на фабрыцы Лапіных да Другой сусветнай вайны.
Плануецца, што прэзентацыя адноўленых карт Лапіных пройдзе ў Гродне 7 або 8 ліпеня. Месца прэзентацыі стваральнікі паведамяць пазней.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025